Racom Maubisse (04/05/2023) Carlos Salsinha Husi Suku Liquitura Aldeia Rae-Rema hateten;

“Ami nia estrada ne’e tinan ho bailoron maka núne’e hela deit. Durante ne’e bót sira liu ba liu mai husi ne’e hela mais la senti no tau matan ba ami nia dalan ida ne’e. Tamba ne’e maka ami ho ami nia inisiativa rasik hetan apoiu husi Joven sira ami taka rasik ami nia estrada.” Dehan Carlos wainhira hamutuk ho foinsa’e sira halao dadaun servisu ne’e iha Area Urahohu Maubissi Kinta ne’e 04/05/2023.

Nia kuntinua haktuir tan katak;

“Iha tempu kampaña hanesan ne’e Partidu sira tun mai so organiza deit maka ami dehan ami tenki tuir sira nia Partidu  maibe tó kampaña hotu tia realidade laiha, depois ami nia estrada tinan bailoron maka hanesan ne’e hela, depois ami nia produtu lokal sira hanesan iha Fatu Besi, Maulau, Manetu, Manelobas, no Edi, ho tan Turizcai asesu maka liu husi dalan ida ne’e depois ami nia dalan ne’e maka nafatin hela hanesan ne’e .” Hateten Komunidade ne’e.

“Tamba ne’e ami husu ba Governu foun ne’ebe maka mai karik, buat hotu ami la husu ami so husu deit maka estrada tamba estrada ne’e maka fó susesu ba ami povu nia moris, tamba ami husi Suku hirak ne’ebé maka hanesan ohin hau temi tia ona ne’e atu lori produtu lokal asesu ba Merkadu ne’e susar iha tempu udan hanesan ne’e.” Tatoli Komunidade ne’e.

Jornalista                     Moises Magno

Editór                          Joaquim Coutinho