Vice Ministro Obras Publika: Estrada Hatubuiliku Tama Ona Prosesu Tenderizasaun

0
323 views

Racom Maubisse, 12-05-2022, Tempu naruk ona mak kondisaun estrada ligasaun husi Kruzamentu Flecha Maubisse ba Posto Hatobuilico grave tebes liu liu iha tempu udan e iha sorin seluk mos Hatobuilico nudar fatin ba agrikultura, no turismu, tamba Nain Feto Ramelau iha ne’eba nomos paiajem mesak furak, maibe kondisaun Estrada grave tebes, hodi difikulta movimentu ema no transporte. Maibe iha surumutuk entre Vice Ministro ho Autoridade municipal Ainaro hateten katak, estrada iha Posto Administrativu Hatu-Builiku, Munisípiu Ainaro, Tama Ona Iha Prosesu Tenderizasaun.

Ba Radio Komunidade Maubisse Mauloko, Vise Ministru Obras Públiku Nicolao Lino Freitas Belo Informa katak;

“Estrada Postu Administrativu Hatu-Builiku, Munisípiu Ainaro, tama ona iha prosesu tenderizasaun ba empreza internasionál sira, hodi hakat ba faze konstrusaun, nomos estrada urbana  iha Ainaro Villa tama ona iha estudu viabilidade  no tempu badak sei loke konkursu, hodi bele  implementa”.

Entertantu iha fatin hanesan relasiona ho Vizita Vise Ministru Obras Públika nian ne’e, Administradór Munisípiu Ainaro Leovigildo Pereira hateten katak;

“Sente kontente tamba ho vijita refere bele lori noticias diak konaba planu fiksu oinsa atu halao dezemvolvimentu ba ba Estrada sira iha Municipiu Ainaro, liu-liu Estrada iha Posto Hatobuilico no Estrada iha Ainaro Villa, hau husu mos atu Ministeriu Obras Publika liu liu husu Institutu jestaun ekipamentu atu mobiliza ekipamentus pezados sira mai nune’e, bele normaliza bee dalan mota sarai, hodi nune’e mota tun labele fo impaktu ba komunidade sira nia tos no natar”.

Participa iha Surumutuk ne’e mak Administrador Municipiu Ainaro ho nia ekipa, nomos linha sektorais balun.

Jornalista : Natalino Mendonca

Editor       : Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments