PVT Sei Kria Emregu 5.000 Ba Juventude Ainaro Wainhira Hetan Konfiasa Iha ELPAR 2023

0
13 views

Racom Maubisse (06/05/2023) Prezidente Partidu Os Verdes de Timor (PVT)António “Lela Hunu” Crus ható kompremisiu ne’e iha Kampaña ho tipu Komisiu iha Kampo Futeból Munisipiu Ainaro Sabadu fim de Semana ne’e.

Prezidente PVT kompromete wainhira hetan fiar husi povu ba lidera Governu da sia prontu liberta Joven dezempregu hamutuk Rihun Lima Nolu iha teritóriu Nasional, liu husi programa Empregu Verdes.

“Ba Ainaro nia oan, Rihun Lima ba Ainaro nia oan nia esperansa sei lakon tamba imi vota sala. Ne’e duni hau husu ba imi hotu fila ba uma konvense imi nia familia, imi nia inan aman, fó apoiu votus ba Partidu Verdes númeru 6 númeru esperansa númeru ne’ebé maka atu liberta joven hamutuk Rihun Lima Nolu iha ita nia futuru.” Promete Lela Hunu iha Ainaro 06/05/2023.

Parante iha militante simpatizante no povu Ainaro nia Oin Prezidente Partidu Os Verdes de Timor (PVT)António “Lela Hunu” Crus haklaken liu tan katak, sei harí Sentru formasaun Profesional Empregu Verdes hamutuk 50.000 ba Membrus Verdes sira.

“Verdes hakarak joven sira tenki merdeka, atu merdeka imi nia kakutak tenki ense, ini nia kabun tenki ense laos di bodohi. Lori programa Empregu Verdes  hamutuk 50.000 ba joven dezempregu sira ba ita bót sira hodi bele hetan Empregu fó han imi nia familia,  fó han imi nia fen, fó han imi nia inan aman. Ita sei harí Sentru Formasaun Empregu ba Verdes nia oan sira, ita servisu hamutuk ho Verdes iha Mundu implementa programa Empregu Verdes.” Hateten Prezidente PVT.

Tamba ne’e wainhira povu fó fiar ba Partidu Os Verdes de Timor (PVT)  hodi ultra pasa bareira eleitoral ho kadeira 7 iha elisaun Parlamentár loron 21 fulan Maiu 2023, maka Partidu sei utilija  Orsamentu Suvensaun Públiku hodi implementa programa sira hanesan mensiona dadaun.

Alende ida ne’e mós wainhira Partidu Os Verdes de Timor (PVT) ba lidera Governasaun da sia maka iha programa impotante 10 maka sei implementa, hanean halais desentralizasaun no poder lokal, investe iha seitor Edukasaun, Agrikultura, Turizmu, no Apoiu Projetu tasi mane.

Atividade Kampaña ne’e hetan Seguransa másimu husi PNTL Munisípiu observa husi observador Nasional no supervisiona husi Ekipa CNE Munisípiu Ainaro.

Entertantu Munisípiu Ainaro Kompostu husi Postu Administrativu 4, Suku 21, Aldeia 131. total Eleitóres ne’ebe maka sei Partisipa iha Elisaun Parlamentar loron 21 Fulan Maiu hamutk 46.908 (Rihun Ha’t Nolu Resin Nene Atus Sia Walu), Ho nia Centru Votasaun (CV) 90 (Sia Nolu) no Estasaun de Votu (EV) hamutuk 115 (Atus Ida Sanolu Resin Lima).

Jornalista                     Moises Magno

Editór                          Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments