Pasiente Baisa Iha Hospitál Referral Maubisse Menus

1
12 views

Racom Maubisse (18/01/2023) Informasaun ne’e ható husi Diretora Exekutiva Hospital Referral Maubisse Gabriela da Cosnceção Magno Pereira,  Kinta ne’e ba Jornalista Rádiu Komunidade Maubisse liu husi Via telefone.

Jerente Hospital Referral Maubisse ne’e relata maske servisu ho ema limitadu maibe atendementu ba Pasiente sira lao hanesan baibain.

“Sala Baisa sira menus pasiente agora dadauk iha Internamentu ne’e iha Pasiente tolu deit no iha sala Maternidade maka iha Pasiente Lima. Servisu sira iha Hospital ne’e lao hela sira Kontratadu regular ne’e mai halo hela sira nia knár hodi hein sira nia Kontratu. Ita maske ho ema limitadu hanesan foin dadauk ne’e balu nia Kontratu remata tia, maibe ita iha fali informasaun katak regular sira kuntinua”, Relata Diretora Hospitál Referral Maubisse.

Husu Kona ba fornesementu  Aimoruk ne’ebé oras ne’e dadaun iha Hospital Gabriela hatan hatak katak;

“Aimoruk balun iha atu atende nafatin pasiente iha Aimoruk balun maka sei Sstok Aut   husi SAMES entaun ne’e ami tenki hein. Maibe ba atendementu sira lao hela ita nia Pasiente balun mós Baisa ita fó hela Aimoruk tuir sira nia presija so iha Sala Operasaun maka Aimoruk balun laiha entaun Pasiente balun ita tenki rujuk ba iha Hospitál Nasionál Quido Valadares Dili.” Hatutan Direjenta másimu Hospitál Referral Maubisse.

Alem de ne’e totál Funsionariu ne’ebé oras ne’e dadaun haknár-an iha Hospital Referral Maubisse permanente  97 kompostu husi rejimi espesial ho rejimi jerál, inklui ho Funsionariu Kontratadu regular iha nain 16, totál 113 (Atus Ida Sanolu Resin Tolu), no Funsionariu Kontratadu maka hein hela prosesu ekstensaun atu kuntinua hikas sira nia servisu hamutuk 24.

“Funsionariu Permanente ita iha 97 Pesoas ne’e inklui ona rejimi rua, rejimi espesial ho rejimi jerál. Depois ita kontratu regular ne’e hamutuk 16 Pesoas ne’ebé totál 113. Iha 24 Pesoas maka sei hein hela prosesu karik ita aumenta tan ida ne’e ba hamutuk 119 Pesoas, karik sira fila fali mai para kuntinua sira nia servisu” Hakotu Direktora Exekutiva Hospitál Referral Maubisse liu husi entrvista  Via Telefoni Kinta ne’e.

Jornalista         Moises Magno

Editór              Joaquim Coutinho

0 0 votes
Article Rating
Subscribe
Notify of
guest
1 Comment
Oldest
Newest Most Voted
Inline Feedbacks
View all comments
trackback

[…] no munisipál sira, pasiente balun hetan moras enfreta hela problema mediku sira nebe menus ezemplu iha Maubise. aleinde ne’e, iha polémika kona-ba funsionáriu husi ministériu saúde nian, inklui […]