Racom Maubisse (17/01/2024)  Konstrusaun ba obra Monumentu Saudozu Venancio Ferraz hetan aprovasaun husi Jeneral Reformadu Lere Anan Timur iha Loron 22 Dezembru 2021,  lansa fatuk dahuluk iha loron 20 Fulan Juñu 2023, Inaugura husi Xefe Estadu Maiór Jenerál Forsa Defeza Timor-Leste (F-FDTL), Tenente Jenerál Domingos Raul “Falur Rate Laek” Loron 17 Fulan Janeiru 2024.

Iha Seremonia Inaugurasaun Monumentu ne’e Tenenete Jenerál Reformadu Lere Anan Timur hateten nia Parte disidi tau Saudozu  Venancio Ramos Amaral Ferraz Sai Patronu ba Polisia Militár (PM). Tamba koiñese diak no moris hamutuk ho Saudozu Ferras.

“Hau disidi foti Nia sai Patrono Polisia Militár tamba hau koiñese nia, hau moris hamutuk ho Nia. Komandante Ferraz hau bele dehan katak entre ami Lider sira Nia diferente duni, ema ida ne’ebé determinadu la lakon Ninia esperansa ita hotu hatene Istória naruk Rejistensia ninian kuandu Baje de Apoiu rahun ema ida ne’ebé hanoin atu Ukun Rasik-An ba hau hanoin katak atu mate. Saudosu Ferras ho Ninia efektivu sira husi Liquisa ninian, Same Nia maka komanda sira la lakon esperansa katak enkuantu ita sei moris ita sei halo buat ne’ebé ita bele, ita sei tó buat ne’ebé ita hakarak so kuandu ita mate maka foin hakotu ita nia esperansa” Dehan Jenerál Reformadu Lere Anan Timur.

“Hau agradese ba Komandante Falur bele fó kuntinuidade ba obra ida ne’e, se Polítiku karik ohin loron la tau Ferraz sira mai buka fali seluk e la halo tan. Mais hau nia Maun Komandante Falur ami núdár Veteranu ami terus hamutuk saida maka halo la hotu nia tenki fo kuntinuidade, saida maka halo la diak nia tenki mai hadia, saida maka hau halo diak mai halo diak liu tan”.

Reprejentante husi Familia Saoduzu Venancio Ferraz Mariano Malik lori Familia Munisípiu Ainaro nia naran Espesialmete ba Aldeia Fatumera agradese ba Konstribuisaun no partipasaun husi partes hotu iha momenntu imprtante ne’e.

“Reprejenta familia hamrík iha ne’e atu agradese ita bót sira hotu ne’ebé partisipa iha Seremonia Inaugurasaun Estatua Saudozu Venancio Ferras Nian. Ami ho fuan no laran nakonnu ho orgullu no kontenti iha ami nia fuan tomak, ható sentimentu profunda ba ami nia Maun, Tiun, Avo, ami nia Primu Komandante Saudozu Venancio Ferraz. Ami Familia ho Mate Restu sira hotu husi Munisípiu Ainaro espesialmente Aldeia Fatumera hakarak ható agradesementu ba Komadu Jeral F-FDTL ne’ebé maka rekoiñese no hili hatúr Komadante Ferras sai Patronu ba UPM hanesan aktu rekoiñesementu bót tebes ba Saudozu nia luta ba Ukun Rasik-An (URA)” Remata.

Entertantu Konstrusaun ba Obra ne’e ho totál Orsamentu Dolares Rihun Walu, Kontribui husi Membru Unidade Polisia Militár (UPM) kada membru  Kontribui Dolar Ha’at Nolu.

Jornalista                     Moises Magno

Editór                          Joaquim Coutinho