Racom Maubisse (24/11/2023) Asesu ba Fundus Transferensia Públiku (FTP) ba Etapa daruak tinan ne’e, Governu Liu husi Sekretáriu Estadu Komunikasaun Sosial (SEKOMS) Asina ona Akordu ho Jestór Rádiu Komunidade Husi Estasaun 17, iha Palsio do Governu Sesta Feira ne’e (24/11/)
Antes asina Nota de Entendementu Entre Dirijentes Rádiu Komunidade ho Sekretáriu Estadu Komunikasaun Sosial Espedito Loro Dias Ximenes, Direktur Diresaun Nasional Promosaun no Dezemvolvementu Mídia Lokal (DNPDML) Adriano Monteiro hateten, ho Fundu ne’ebé maka asina ona entre Jestór Rádiu Komunidade sira ho Governu Liu husi Gabinete Sekretária Estadu Komunikasaun Sesial (SEKOMS) hodi tulun servisu Rádiu Komunidade iha Estasaun Rádiu Komunidade, mesmu ho apoiu ne’ebé kík maibe bele hatutan nafatin forsa Rádiu Komunidade bele funsiona nafatin hodi hodi hatutan informasaun ba Komunidade sira iha area rural.
“Selebra asina akordu entre Governu liu husi Sekretáriu Estadu Komunikasaun Sosial ho maluk Jestór Rádiu Komunidade sira hotu liu husi Fundu Transferensia Públiku. Fundu ida ne’e atu tulun ita bót sira Rádiu Komunidade hodi halo aktividade iha kada Estasaun Rádiu Komunidade sira, núne’e ita bót sira bele Dezemvolve Rádiu maske Fundu ida ne’e kík maibe bele hatutan nafatin forsa iha Rádiu Komunidade sira. Tamba ne’e hanesan ita hotu hatene katak, FTP ne’e laos foin ida ne’e maka ita halo maibe kada tinan sempre aloka Fundu ne’ebé maka hanesan ita atu asina dadaunk.” Hateten Dirktur DNPDML ba Jestór Rádiu Komunidade sira iha Palasiu do Governu 24/11/2023.
“Tamba ne’e maka iha Nunu Governu ida ne’e nafatin fó nia importansia ba apoiu Rádiu Komunidade sira iha teritóriu Nasional, hein katak ho apoiu ne’ebé maka Governu fó bele ajuda ita bót sira hodi halo servisu diak liu tan ba programa sira bele lori informasaun ba tó iha ita nia Komunidade sira”.Hatutan Direktur Diresaun Nasional Promosaun no Dezemvolvementu Mídia Lokal (DNPDML) Adriano Monteiro.
Biban ida ne’e mós intervensaun husi Sekretáriu Estadu Komunikasaun Sosial (SEKOMS) Expidito Loro Dias Ximenes husu Jestór Rádiu Komunidade sira presija iha kapasidade naton hodi jere estasaun Rádiu ida – idak nian. Tamba Nunu Governu Konstitusional iha iha area Komunikasaun Sosial ba tinan 5 nian sei tau prioridade oinsa atu fortifika no hamoris tan Rádiu Komunidade, Tamba konsidera Rádiu Komunidade hanesan Rádiu ne’ebé moris ho Komunidade no nia existensia iha kedan Komunidade nia lét.
“ Premeiru agradese tamba kolega sira husik Rádiu Komunidade iha fatin ida-idak nia bele mai hasoru ohin. Hanesan Jestór, lia fuan ida Jesór ne’e bolu dehan oinsa maka ita bele iha kapasidade atu Jere, ne’ebé ita bele dehan katak Jestor ne’e ema ida ne’ebé bele Jere buat ida. Ba Nunu Governu Konstitusional iha nia Programa ba Tinan 5 iha area Komunikasaun sosial prioridade ida mós maka oinsa fortifika no hamoris tan Rádiu Komunidade agora ita iha Rádiu Komunidade 17 maibe iha tinan 5 ita buka atu fortifika no atu haforsa tan Rádiu Komunidade sira ne’ebé iha ona no mós atu hamoris tan Rádiu Komunidade seluk tan. Tamba Rádiu Komunidade ne’e Rádiu ne’ebé moris ho Komunidade.” Hateten Governante ne’e.
Tamba ne’e maske ho avansus téknologia ohin loron maibe Governu nafatin tau prioridade ba Rádiu Komunidade, tamba ho Prezensa Rádiu Komunidade nian iha trenu bele foti hato direita komunidade nia sira nia prokupasaun iha aspetu oi-oin, tamba ne’e Polítika Nunu Governu Konstitusional tau prioridade haforsa Rádiu Komunidade no hamoris tan Rádiu Komunidade dehan Sekretáriu Estadu Komunikasaun Sosial liu husi Seremonia asina Akordu ho Jestór Rádiu Komunidade sira Sesta ne’e iha Palasiu do Governu Dili Timor-Leste.
Joenalista Moises Magno
