Maubisse (22/11/2023) Mensajen Inspirativu ne’e ne’e tatoli husi Prezidente Konsellu Fiskal CCLN Angelho de Almeida Gudinho AITARA liu husi intervista ho Jornalista RKMM ne’e Kuarta loron 22/11/2023.

Ba Juventude sira Veterano AITARA hateten, hanesan Juventude tenki orgullu basa Nasaun ne’e mai husi ema lubuk nia sakrefisiu, tamba ne’e hanesan foinsa’e ba rai ida ne’e tenki hatudu domin ba malu, hodi hametin Paz no Unidade iha rai ida ne’e.

“Ba Juventude sira hau hanoin sira hanesan Tulan Pungu Negra Koluna Vertebrata Nasaun ninian, sira tenki orgullu Nasaun ne’e mai husi ema barak nia sakrefisiu se bele sira hatudu netik sira nia unidade domin hare malu iha paz lalika hateke malu ho matan sorin. Maibe lori netik sira nia-an hanesan Ai-Funan Bungaria ida ba iha domin ba iha Rihun Atus Rua nia Vida Libertasaun ne’e hein hela sira nia unidade, hein hela sira nia kualidade, hein hela sira nia louvor atu fó esperansa ba sira nia-an atu hetan moris ida diak ba sira nia-an, ba familia, Povu, no ba Nasaun. Tamba ne’e sira nia-an maka núdar ajente trasformador ba prosesu Nasaun ne’e tomak”. Mensajen Fundador ba Organizasaun Unidade Nasional no Kolaborador ba Komandu Regiaun III iha tempu Rejistensia, aktual Prezidente Konsellu Fiskal CCLN Angeho de Almeida AITARA iha Studiu Rádiu Komunidade Maubisse Mau-Loko (RKMM) 22/11/2023.

Jornalista Moises Magno