Maubisse (23/11/2023) Angelina Pina Menezes Lopes ható sentimentu ne’e hafoin simu matrial Konstrusaun, ne’ebé oferese direita husi Sekretáriu Estadu Protesaun Sivil Domingos Mariano Reis, kinta ne’e iha Aldeia Tilituku Postu Maubisse Munisípiu Ainaro.

“Ami senti kontenti tebes tamba Sekretáriu Estadu ho nia Ekipa tomak hakat mai iha fatin ida ne’e, ami laiha buat diak atu oferese ba Sekretáriu Estadu ho nia ekipa tomak mai liu husi ami nia orasaun sempre akompaña atu halao servisu núdar Estadu ho esperansa katak ita bót sira Maromak sempre ajuda. Maibe ami kosiente katak ita bót sira Maromak sempre ajuda, maibe ami nia moris maka hanesan ne’e ona Maromak ne’e ami la hasoru secara langsun maibe husi ita bót sira ami senti katak ami kontenti maibe ami laiha buat mean no murak ida fó ba ita bót sira maibe ami nia orasaun sempre akompaña maka deit obrigadu e obrigadu”. Lian Agradesementu Husi Inan Feton Angelina Pina Menezes Lopes 23/11/2023.

Entertantu Apoiu ne’ebé maka oferese ne’e Matrial ba Konstrusaun Uma nian Kompletu, aumenta tan ho Osan $ 1000.00 (Dolar Rihun Ida), Ba Benefisiuariu Uma Kain 4 iha Maubisse no Ida husi Postu Administrativu Hato-Builiku Munisípiu Ainaro.

Jornalista Moises Magno