Hato-Udo (30/08/2023) Autoridade Lokal, Hamutuk ho Autoridade Komunitaria Leoliama no Foho-Ailico, Veteranos Hamutuk ho Komunidade, Inklui Organizasaun Arte Marsiais no Rituais, Komemora Loron konsulta Popular 30 de Agostu ba dala 24 iha Sede Suku Foho-Ailico Postu Administrativu Hato-Udo Munisípiu Ainaro.
Ba Jornalista Radiu Komunidade Maubisse Mau-Loko Administrador Postu Administrativu Hato-Udo Munisípiu Ainaro Rosalino Soares Mendes konsidera loron konsulta popular ne’eb’e maka selebra dadaun hamutuk ho povu Hato-udo ne’e hanesan festezaa povu nian.
“Konsulta Popular ne’e loron festeza ba Povu ninian no presija tebes inisiativa mai husi povu rasik ho setindu espirito nasionalizmu ida bót atu bele komemora nafatin loron ida 30 de Agostu ne’e hahú ohin ba oin atu núne’e buras iha sira nia neon laran no habelar iha Komunidade tomak nia lét”. Tenik Administrador Postu Hato-Udo ba Jornalista iha Sede Suku Foho-Ailico 30/08/2023.
Autoridade másimu Postu Hato-Udo ne’e kuntinua fundamenta liu tan katak, ho komemorasaun ida ne’e mós hodi hanoin hikas akontesementu sira tinan 24 liu ba. Alem de iha ne’e mós hodi haktuir Istória ba Jerasaun foun sira kona-ba Istória moruk sira ne’ebé Timor-Leste ultrapasa iha momentu ne’ebá.
“Ho komemorasaun konsulta Populár ba loron ida ohin nian atu hanoin hikas no relemra fila fali loron ka tinan moruk ida ba kotuk atu núne’e bele husik ba jerasaun foun sira ne’ebé maka tuir mai bele kompriende saida maka dia Nasional. Tamba ne’e maka objetivu ida ami komemora iha ne’e atu husik hela ba jerasaun tuir mai atu nafatin iha kuntinuasaun no koiñese diak liu tan saida maka 30 de Agostu ne’e, tamba 30 de Agostu ne’e iha sofrementu lubuk ida ba rai ida ne’e tamba ne’e maka ami iha sentidu ida para atu bele iha hanoin diak ida atu komemora núne’e komunidade ida ne’ebé la hatene bele komprende saida maka 30 de Agostu no fanu sira atu bele iha futuru kuda metin iha sira nia memoria atu husik tutan hela ba Jerasaun foun sira tuir mai”. Hakotu Rosalino Soares Mendes.
Fatin hanesan Xefe Suku Foho-Ailico Deonatu de Araújo Lait fortifika liu tan katak, tinan ida ne’e Suku Foho-Ailico Komeora loron Konsulta Populár ba dala 2 ona.
“Tinan ida ne’e ita Komunidade Suku Foho-Ailico hamutuk ho Lideransa Komunitaria Komemora loron Konsulta Populár ba dala 24 jeralmente ba Timor-Leste no espesialmete ba Suku Foho-Ailco Komemora ba dala 2 iha tinan kotuk no tinan ida ne’e. Ho Komemorasaun sira ne’e ita bele konsulida ita nia joven sira, Komunidade, Grupu Arte Marsiais sira atu bele hamutuk hodi kontribui ba Paz estabilidade no mós partisipa ba prosesu konstrusaun Estadu espesialmente dezemvolvementu iha Suku Foho-Ailico Postu Administrativu Hato-Udo Munisípiu Ainaro”. Dehan Xefe Suku Deonato.
Entertatu Aktividade ba Komemorasaun ida ne’e iha Suku Foho-Aolico maka hanesan, Dada Tali, Hatu Atraksaun husi Grupu Arte Marsiais ne’ebé ejisti iha Postu Administrativu Hato-Udo Munisípiu Ainaro.
Jornalista Moises Magno
editor Joaquim Coutinho
