Maubisse (26/08/2023) Sabadu ne’e Prezidente da Repúblika José Ramos Horta halao Vizita ba dahuluk iha Sitiu Turizmu Komunitaria Rabilau Maubisse Munisípiu Ainaro.

Hafoin tó iha Laletek foho Rabilau ho Kaerta Jip, hodi ajisti aktividade Komemorasaun ejistensia Community Tração Jip ba dala 9 nian iha Rabilau Postu Administrativu Maubisse Munisípiu Ainaro Liu husi intervista ho Jornalista Radiu Komunidade Maubisse Mau-Loko Xefe Estadu konsidera Ambiente Rabilau ba futuru sai hanesan sai hanesan fatin atraisaun Turizmu Nasional, ne’ebe Timor-Leste iha.

“Premeiru hare fatin ne’e furak diak tebtebes hau nungka mai iha ne’e, deste tinan sira ne’e nia laran deste kík tó ohin mai Maubisse dala atus ida ka liu tan karik maibe mai fatin ida ne’e premeira vez. E fatin ne’e hau hare bele sai atraksi Turítiku Nasional Timor nian.” Dehan Prezidente Horta 26/08/2023.

Prezidente mós ható Parabens Estruktura Warda Dezemvolvementu Turizmu Maubisse Mau-Loko, Autoridade lokal, hamutuk ho Komunidade sira ne’ebé hahu ona dezemvolve fatin furak ne’e husi tulun Oitavu Governu Konstitusional liu husi Ministériu Turizmu.

“Hau fó parabensa ba Autoridade Estadu, Autoridade Suku ne’ebé halo esforsu ho sira nia Kbít ho tulun husi Ministériu Turizmu para hahú buat ruma iha ne’e.” Hateten Xefe Estadu.

Ho esperansa Nono Governu Konstituisional kuntinua apoiu hodi hadia no mellora liu tan fatin ne’e ninia fasilidade sira, sai fatin Turizmu Natural iha Tomor-Leste.

“Hau espera ke Nono Governu bele fó apoiu tan para bele hadia liu tan fatin ida ne’e, prepara fatin ne’e hanesan duni fatin Turístiku Natural maibe la baele tau buat ne’ebé modernu demais halo buat ne’ebé trdisional. Hanesan halo kuartu haris fatin, fatin hanesan ema hamu Kafé, bele tur halimar kolia, bele iha Expozisaun Artezenatu Timor tomak nian laos Maubisse deit. Mais ne’e bele iha apoiu ruma Govenu nian temi dehan dezemvolve Turizmu ba fatin ne’e diak.” Hakotu Preziedente da Repúblika.

Jornalista Moise Magno