Hato-Udo (30/08/2023) Relasiona ho Komemorasaun Loron Konsulta Populár ba dala 24 iha Timor-Leste, Ne’ebé selebra tinan ne’e iha Suku Foho-Ailico Postu Administrativu Hato-Udo Munisípiu Ainaro. Administrador Postu Hato-Udo Rosalino Soares Mendes no Xefe Suku Foho-Ailco Deonato de Araújo Laet husu Foinsa’e nafatin hametin Paz no Amizade maske diferente iha Organizasaun Arte Marsiais.

“Ohin organizasaun ne’ebé maka ejisti iha Hato-Udo sira nia partisipasaun ne’e másima tebes e núne’e mós ami hatudu hanoin ida ne’e atu bele kria amizade ida entre juventude ka arte marsiais sira ne’e katak bele ejisti bar-barak maibe tenki iha sentidu amizade paz estabilidade iha rai ida ne’e. Katak sira maka sai hanesan obra ida diak ba Estadu RDTL tamba ne’e maka ohin konvida sira nia partisipasaun atu tau sentidu lolos katak Hato-Udo bele iha arte marsiais no arte ritual bar-barak maibe tenki kria paz, estabilidade, unidade, no amizade ba futuru husik no hela hanesan ezemplar ida ba komunidade hot-hotu.” Hateten Administrador Postu Hato-Udo ba Jornalista RKMM liu husi intervista 30/08/2023.

Lian hanesan ható mós husi Xefe Suku Foho-Ailico Deonato de Araújo Laet, tuir Autoridade Suku ne’e katak, maske konflitu oi-oin akontese iha fatin seluk maibe agraddesee tamba situasaun enjeral iha Suku ne’ebé nia lidera ba lao ho hakmatek.

“Situasaun real iha teritóriu Timor Laran tomak iha akompaña iha fatin-fatin sempre iha konflitus, ataka malu maibe iha Suku ida ne’e ita agradese ate adata laiha konflitus, laiha atake malu, hamutuk nafatin unidu nafatin. Entaun mensajen ita nian ba sira maka ne’e husik ema seluk suku seluk ninia problema labele dada mai iha Suku ida ne’e. Suku Foho-Ailico joven ema ida deit, Grupu ketak-ketak, arte marsiais no ritual ketak-ketak maibe prinsipiu ida deit ema jerasaun Suku Foho-Ailico hamutuk ho Estadu para bele hadia rai ida ne’e.” Tenik Xefe Suku Deonato.

Komemorasaun Loron Konsulta Populár ne’e iha Sede Suku Foho-Ailico ne’e marka Prezensa husi Admministrador Postu, Veteranos, Xefe Suku Leo-Lima hamutuk ho Komunidade hodi ajisti atrkasaun ne’ebé hatudu husi Grupu Arte Marsiais no aktividade kriativu sira seluk hodi festesta loron Konsulta Populár ba dala 24.

Jornalista Moises Magno