Racom Maubisse, Kinta 30/3/2023 Ministerio Agricultura no Pesca-MAP oferese osan hamutuk dolar rihun lima nulu ba koperativa multi sektorial moris foun unidade café maubisse, hodi halao rehabilitasaun ba iha maubisse. Informasaun ne’e hato hosi Presidente Koperativa Multi Sektoral Moris Foun Unidade Café Cocamau -Julio Mendonca Martis, wainhira halao distribuisaun osan ba grupo toos nain café rua nulu resin walu, iha Salao COCAMAU Maubisse.

Ba Radio Komunidade Maubisse Mauloko, Presidente COCAMAU Julio Mendonça Martins Haktuir katak;

“Ohin halao distroibuisaun iha ne’e ba grupo komunidade sira ne’ebe mak ninia kacfe hetan rehabilitasaun, nune’e mak liu husi Ministerio Agricultura no Pesca-MAP oferese osan hamutuk $ 50.000 (dolar rihun lima nulu) ba Koperativa Multi Sektorial Moris Foun Unidade Café Maubisse, hodi halao rehabilitasaun ba café iha grupo komunidade sira iha Maubisse”.

Julio Mendonca Martis  reforsa liu tan katak osan nebe ofrese ba tos nain café ho objetivu hodi halao rehabilitasaun ba café hun tuan atu iha future café nebe rehabilita bele fo resultado.

Iha fatin hanesan, depois de halao tiha serimonia entrega osan ba grupo tos nain sira, reprejentante Administrador Postu Maubisse Abril Xavier Dorego iha nia lia menon katak;

“Husu ba grupu to’os nain  sira ne’ebe hetan ona fundus atu utiliza ho diak hodi hadia café, nune’e iha future café ne’ebe hetan ona rehabilitasaun bele fo rejultado diak hodi hadia komunidade agrikultor sira nia moris”.

Grupu Koperativa Multi Sektorial Moris Foun Unidade Café Maubisse, durante ne’e laos hetan apoiu deit hosi guvernu, maibe hetan mos apoiu hosi JICA, inklui mos Organizasaun PARCIC liu husi apoiu tekniku ba grupu COCAMAU hodi halao rehabilitasaun ba café.

Jornalista Natalino Mendonça

Editor Joaquim Coutinho