Racom Maubisse: Padre Favelino Alves da Costa Hateten ida ne’e ba Sarani Sira iha Maubisse iha Selebrasaun Missa Nova ne’ebe realija iha Paroquia Imaculado Coaração de Maria Maubisse Sesta feira foin dadaun ne’e.
Nia Lulik ne’e liu husi Homelia hateten;
“Dala barak ita hotu-hatu hanesan ema ita halo buat diak no karidade laos ho hanoin ne’ebe diak, no mós ho boa vontade. Maibe atu buka deit simpatia husi ema seluk, núne’e ema bele dehan katak ema ida ne’ebá halo buat diak barak tebes. Se núne’e karidade hotu ne’ebé ita halo sei la folin iha Maromak Nia Futar oin, folin saida? Manan ema nia simpatia iha Mundu lakon Maromak nia grasa iha Rai no Lalehan” Dehan Padre Favelino Alves da Costa ba Sarani Sira liu husi nia Homelia 16/12/2022
Tamba ne’e Nai Lulik kuntinua husu ba Sarani sira hodi dehan;
“São Paulo husu atu ita hakraik-an ho fuan ho laran tomak ho boa vontade lalikan hein ema seluk husik Maromak maka rekompresa ita nia diak sira, S. Paulo mós husu atu ita fó-an ba Maromak no ba Maromak Nia servisu. São Paulo mós husu atu ami hakosok ho dalan ne’ebé ami hili ona simu no tane ho oin midar no laran haksolok nafatin” Dehan Nai Lulik foun Maubisse oan Padre Favelino da Costa Alves iha Nia Missa Nova ne’ebe realija iha Paroquia Imaculado Coração de Maria Maubisse (PICOMA) 16/12/2022
Entertantu Missa Nova ida ne’e iha Maubisse Marka Prezensa husi Ministru Assutu Kombatenentes Libertasaun Nasional (MKLN) Julio da Costa “META MALI” Jurista Timor-Oan Dr. Manuel Tilman, Nai Lulik sira, Hamutuk ho Sarani Maubisse.
Jornalista Moises da Silva Magno
Editór Joaquim de Fátima Coutinho
