Pe. Pius Jiangron Wang Husu Inan Ho Aman Tenki Hatene Dutrina Antes Lori Oan Ba Simu Sakramentu Baptismo

1
139 views

Racom Maubisse: Pároko Kuaje Paroquia Nosa Senhora Lurdes Hato-Udo Hateten ida ne’e antes fó Sakramentu Baptismu ba Sarani foun hamutuk 60 resin iha Bonuk Hato-Udo Munisípiu Ainaro.

Nai Lulik ne’e hateten ida ne’e tamba Liu husi provas ne’ebe Bibiatn ba Sarani Katólika ne’e husu ba inan aman Maioria lahatene dutrina, tamba la tuir formasaun.

“Imi núdar aman inan labele hatene produs oan deit maibe la hatene hanorin, nunka hatene sai ezemplu ba sira, dala barak imi la mai Missa ita bele bosok ema seluk maibe labele bosok Nai Maromak, Maromak konta hotu ita hanorin saida, ita halo saida, ita nia planu saida, oinsa hadomi ita nia oan laos fó sira han hemu hatais diak hotu ona maibe hanorin sira sai Maromak nia oan didiak. Imi reja Ami aman lahatene, Ave Maria lahatene tinan- tinan Nain Feto lao imi nunka reja? Tamba ne’e Wainhira sai ema katólika responsabilidade inan ho aman nian tenki hanorin”. Dehan Nai Lulik ne’e antes fó Sakramentu Baptismu ba Kikoan kuaje 60 resin iha Bonuk Hato-Udo Ainaro 24/12/2022.

Bibiatan ba Sarani Katólika Hato-udo ne’e kuntinua husu;

“Jesus mai Mundu atu halo lia lós no dada ema ba dalan los, Igreja nia responsablidade maka sai sasin hodi dada ema besik ba Nai Maromak. Tamba sa husu imi hotu nia dutrina ita rasik la komprende Reja oinsa o nia oan bele hatene, ita rasik la komprende ukun fuan 10 oinsa hanorin imi nia oan tuir Ukun fuan 10”. Dehan  Pe. Pius Jiangron Wang  ba sarani sira iha Bonuk Hato-Udo.

Tamba ne’e Inan Aman sira ne’ebe la tuir formasaun Nai Lulik ne’e husu Denda Osan Dolar 5  hafoin fó Sarani ba Oan sira. No Osan hirak ne’e ofrese hikas ba Katekista sira ne’ebé durante lao hodi fasilita formasaun Iana aman sira.

“Hot-hotu tenki selu osan, osan ida ne’e hau atu selu ba ema mai Dutrina ema mós dok ema nia kolen  iha fatin-fatin hanesan ne’e iha Beikala, Ailora, Katekista sira ba hau tenki selu.” Hateten Nai Lulik ne’e.

Tamba ne’e ba Inan ho aman sira Iha Bonuk Hato-Udo Bibiatan ne’e husu;

“Tamba sa tenki lori o nia oan mai simu Baptismu? Tamba iha leten Madre sira tenki hanorin sira fulan 2 imi nia oan sarani tia ona tambasa imi la hatene. Lori o nia oan mai ne’e tamba tenki kasu sala Original, wainhira ita moris iha Mundu ita hetan ona sala Original ita tenki liu husi Baptismu halo nia mos tia, tamba uluk hau dehan iha Katekista se maka lami tuir dutrina hau la sarani”. Hateten Pe. Pároko Kuaje Paroquia Hato-Udo Hafoin Selebrasaun Missa ba Loron Natal, no fo Sakramentu Baptismu ema hamutuk 60 resin iha Bonuk Hato-Udo Munisípiu Ainaro.

Jornalista                     Moises da Silva Magno

Editór                          Joaquim de Fátima Coutinho 

0 0 votes
Article Rating
Subscribe
Notify of
guest
1 Comment
Oldest
Newest Most Voted
Inline Feedbacks
View all comments
www.bet-promokod.ru
1 year ago

Букмекерская контора 1xBet является одной из самых популярных на рынке. https://bet-promokod.ru/ Большой выбор спортивных и киберспортивных событий, множество открытых линий, самые высокие коэффициенты. Кроме того, БК имеет обширный функционал и немногие дает возможность совершать ставки по уникальным промокодам. Используя их, вы можете получить настоящие деньги, не внося абсолютно никаких средств. Фантастика? – Нет, Реальность Узнать последний промокод вы можете сейчас же, однако использовать его необходимо в соответствии с правилами и инструкциями, которые приведены ниже.