Pe. Favelino Alves da Costa “Hau Haksolok Wainhira Maromak Hili Hau”

0
62 views

Racom Maubisse: “Nai Lulik ida haksolok tamba Maromak bolu nia no hili nia hanesan Maria tane as Santisimu Sakramentu iha nia vida tomak núdár Sacerdote, selebra lor-loron Eukaristia ho Sakramentu sira. Hau haksolok tamba Maromakhili hau, maibe hau sei tristi bainhira hau la halao didiak lolos buat ne’ebe Nai Lulik ida tenki halo” Dehan Nia Lulik foun Pe. Favelino Alves da Costa Liu husi Homelia iha Missa ba dahuluk nian iha Ingreja Imaculado Coração de Maria Maubisse loron 16 fulan Dezembru ne’e hafoin Simu husi Lia Nain no Sarani Maubisse.

Nai Lulik foun Maubisse oan ne’e kuntinua haklaken liu tan katak;

“Maluk doben sira hotu, tuir pontu de vista fiar nian sertamente dehan so úniku Jesus Cristo ida ne’ebé maka pur Natureza Maromak ho ema dala ida Nia mesak deit maka sai Lalehan no Rai nia Liurai, maibe ita nia Nain Feto Maria Feto Inan ne’ebe Kous Liurai Lalehan mai Mundu entaun Maria soi tebes no merese duni hodi sai Lalehan no Rai nia Liurai Feto. Iha ne’e ita bele aprende husi Maria buat importante 3  ne’ebé hodi tulun ita iha moris vontade Maromak nian iha ita idak-idak nia-an. Premeiru Maria Nia atetudi Humildade ka haraik-an, segundu Maria nia obdesia ho Nia hatan Sim ba planu Maromak Nian, no ida terseiru planu Maromak Nian ne’e rasik hateten katak, buat ida familia ne’e buat ida ne’ebe Sakral teb-tebs basa familia hanesan Santuariu ba Vida fatin ne’ebe Maromak horik ba. Ita presija kuidadu familia ita nia familia ambiente ida favoravel atu Maromak  bele horik iha ne’ebá. Maluk sira hotu mai husu Familia Nazare Nia harohan daet mai ita hotu atu ita idak-idak nia familia bele moris ho ksolok paz hakmatek no harmonia nia laran, Maromak fó mai ita osa mean ita idak-idak tenki fó fila mós osa mean. Ita presija fó ho haksolok  atu folin iha ema no Maromak nia Futar oin, atu ita manan felisidade haksolok Rai nian, ita manan mós premeiu felisidade haksolok Lalehan nian” Haklaken Nai Lulik foun ne’e ba Sarani Maubisse 16/12/2022.

Fatin hanesan Aktual Amu Pároco Maubisse Pe. Feliciano Bareito Soares Rodriques iha nia deskursu hafoin Missa Nova ida ne’e iha Igreja Maubisse hateten, Nai Lulik Foun sira Presija atu aprende barak liu tan husi Nai Lulik tuan sira atu lori povu ida ne’e ba deskobre Maromak.

“Ita ohin loron ita presija aprende barak husi amu sira katuas sira, Amu Alves, Amu Domigos Maubere sira sai hanesan sasukat. Ohin loron ita tenki hamutuk nafatin ho povu ida ne’e atu lori povu ida ne’e ba deskobre Maromak. Tamba ne’e lia fuan 3 ne’ebe hau dehan maka ne’e horon, rona, no senti” Dehan Amu Pároco Maubisse 16/12/2022.

Nai Lulik ne’e kuntinua haklaken liu tan katak;

“Agradese tamba grasa vokasaun ne’ebe ami simu durante tinan 2 nia laran. grasa Vokasaun halo ami Maubisse hetan grasa barak iha tinan 2 nia laran ami Missa agradesementu ba dala 3 ba Padre nain 4. Padre Maubisse jerasaun barak maibe Padre nain 4 ne’e maka ema Maubisse hela iha Maubisse, moris iha Maubisse, bót iha Maubisse. Hodi sarani sira naran hotu ami hakarak agradese ba Nai Maromak ba Komunidade sira tamba sira nia simplesidade, haraik-an, kejujuran, kiak, moris ho tós buat sira hotu maka agora fó fuan barak Maromak abensua ita ho grasa vokasaun ita nia oan sira sai Padere ne’e Maromak Nia grasa” Hatutan Aktual Amu Pároco Maubisse 16/12/2022

Jornalista                     Moises da Silva Mago

Editór                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments