Racom Maubisese, 28/05/2022, Organizasaun Arte Marsiais PSHT a nivel Posto Administrativu Maubisse Municipiu Ainaro, Halao Mini Konfrensia ho Tema, Hanoin Ida Laran Ida Ba Fraternidade Hodi Re-Integra PSHT Ba Komunidade, nune’e organizasaun arte marsiais refere bele halaoa nia aktividades treinu, tamba durante tinan barak governu taka, maibe iha politika VIII Governu Konsttusional loke hikas fali, tamba ne’e mak PSHT Posto Maubisse halao mini konfrensia ho tema, Hanoin Ida Laran Ida Ba fraternidade hodi re-integra PSHT Ba Komunidade.
Ba radio Komunidade Maubisse Mauloko Konseheiro PSHT Municipiu Ainaro Bernardino Martins, hateten katak;
“Objektivo halao mini konferensia iha posto Maubisse Munisipio Municipiu Ainaro atu bele hanoin ida fuan ida laran ida ho fraternidade nebe mak organizasaun persaudaran setia hati terate iha hodi re integra ba komunidade hodi kria amizade ida nebe mak diak entre artemarsiais no arte ritual sira, liu-liu iha posto Maubisse atu bele kontribui ba iha dezemvolvimento iha posto munisipio hodi ba to’o Nasional atu bele kria relasaun nebe diak entre arte rituais no arte marsiais nebe existe iha Posto Maubisse”.
Entertantu bernanrdio haktuir liu tan katak ho re ativa hikas fali organizasaun arte marciais sira nian iha esperansa ba oin atu kria amizade nebe mak diak ba iha sosiedade no komunidade sira nia moris, tanba organizasaun hotu lao tuir lei nebe mak vigora ona iha ita nia nasaun liu-liu ba iha KRAM nebe mak toma konta ba iha arte rituais no arte marsiais sira nebe mak existe iha ita nia nasaun ne’e rasik.
Iha Fatin hanesan Chefe Suku Maubisse Vila Wilson Nivio Mendonca hateten mos katak;
“Ohin halao mini konferensia husi organizasaun PSHT iha Posto Adminisrtrativo Maubisse hodi komvida husi parte hotu-hotu tanto autoridade sivil I militar hodi marka prezensa iha fatin ida ne hodi reativa hikas arte marsiais ka arte rituais, hahu husi ohin ba oin organizasaun arte marsiais hotu-hotu atu bele hala’o fila fali sira ninia treinamento ba sira ninia membrus sira”.
Chefe suku ne’e mos realsa liu tan katak;
“Ho reativasaun ARTE Marciais no Arte Ritual sira ne’ebe lao ona ita tenke garante paz unidade no estabilidade ba iha ita nia posto munisipio no ita nia nasaun, tanba arte marsiais hotu-hotu, hanesan desporto ida hodi hadia ita nia saude hodi prepara ita nia fizuku mental ho diak atu nune’e aban bainrua tuir kompetisaun bele lori ita ninia posto munisipio ba to nasional bele lori mos ita nia nasaun ba hamorin iha mundo desportiva iha nasaun sira seluk”.
Hanesan autoridade hare katak organizasaun hotu-hotu tenke kontribui ba pas atu ita kontribui mos ba iha dezemvolvimento iha futuro oin mai, tamba ne’e hanesan autoridade mos konvida imi hotu atu marka prezensa iha aktividade saida deit karik estado ka Igreja presiza ita tenke ba participa, tanba treino ne’e hanesan aktividade desporto ida ho nune’e ita tenke hatudu ita nia atitude no ita nia hahalok diak ba komunidade sira ninia konfiansa,tanba ne’e mai ita hamutuk fila fali hodi hanoin neon ida laran ida atu nune’e bele kontribui ba dezemvolve maubisse sai furak liu”.
“Lei N° 5/2017 aplikavel hela, maibe la espesikamente atu fo sansaun ba organizasaun arte marsiais sira krik sira nia membru komete krime ruma, tanba ne maka komisaun reguladora Artemarsiais agora prepara dekretu lei ida para kontra ordenasaun atu bele fo sansaun bainhira sira komete krimi”.
Komisaun reguladora arte marciais deposizita konfiansa tomak ba lideransa organizasaun artemarsiais tolu inklui arte ritual sira atu kontinua fo kontribuisaun ba paz no estabilidade iha ita nia rain, atu bele lori dezemvolvimento ba ita nia rain, tanba liu husi parlamentu nasional aprova ona osan para atu halo sede ka fatin treinamentu sira ba arte marsiais sira.
Participa iha Mini Konfrensia ho Tema “Hanoin Ida Laran Ida Ba Fraternidade Hodi Re-Integra PSHT Ba Komunidade, Organizasaun husi KORKA, IKS, 77, nomos organizasaun arte rituais seluk, Autoridade local, Lideranca komunitariu, konvidadus husi nasional municipal no komunidade balun.
Jornalista Marcia Henrique
Editor Joaquim Coutinho
