Racom Maubisese, 28/05/2022, Organizasaun Arte Marsiais PSHT a nivel Posto Administrativu Maubisse Municipiu Ainaro, Halao Mini Konfrensia ho Tema, Hanoin Ida Laran Ida Ba Fraternidade Hodi Re-Integra PSHT Ba Komunidade, nune’e organizasaun arte marsiais refere bele halaoa nia aktividades treinu, tamba durante tinan barak governu taka, maibe iha politika VIII Governu Konsttusional loke hikas fali, tamba ne’e mak PSHT Posto Maubisse halao mini konfrensia ho tema, Hanoin Ida Laran Ida Ba fraternidade hodi re-integra PSHT Ba Komunidade.

Relasiona ho Mini Konfrensia ne’ebe halaoa iha Pouzada Maubisse husi Organizasaun Arte Marciais PSHT, Ba radio Komunidade Maubisse Mauloko Koordenaor IKS Postu Maubisse……., hateten katak;

“Ami husi organizasaun kera sakti fo ami nia agradese boot ida ba organizasaun persaudaran setia hati terate tanba ohin bele halo ninia mini kampanha ho ninia titulo dehan mini komfrensia PSHT posto administrativo Maubisse ba dahuluk no sira nia lema dehan nunee hanoin ida neon ida laran ida ba fraternidade hodi rentrega PSHT iha komunidade Maubisse, ho ida ne hau fiar katak ita hotu husi arte marsiais ho arte rituais sira atu fo liman ba malu hodi lori posto administrativo Maubisse nee sai exemplo ida ba iha Ainaro no sai exemplo mos ba iha ita nia nasaun Timor Leste”.

Tanba ita hotu hatene saida mak durante ne ita hasoru governo taka ita nia arte marsiais ho ida ne’e hau husu atu nunene labele akontese ba dala rua ho ida ne’e hau husu ba arte rituais ho arte marsiais hotu atu fo liman ba malu atu nune ema labele dehan ita katak Maubisse ne krimozu.

Nune’e mos reprezentante Organizasaun Arte Marsiais KORKA Postu Administrativu de Maubisse, Municipiu Ainaro, Robertu Mendonca, iha nia diskursu hateten mos katak;

“Hau mai iha fatain nee atu kalia deit katak tinan salulu resin nia laran ita hanesan iha nakukun laran, tanba estadu suspende tia aktividade sira arte marsiais no arte ritual sira, maibe ohin loron ita agradese ba iha oitavo governo  tamba bele reativa fila fali ita ninia organizassaun sira atu ita bele terino, tanba nee iha fatin ida nee hau husu ba ita hotu atu bele hanoin fila fali saida mak akontese iha tempo liuba, tanba passado ne’ebe mak nakukun no dala barak ita moris iha violensia nia laran fo mos impakto ba ita nia komunidade sira hodi estadu suspende tiha ita nia aktividade nee, tanba ne hau husu mai ita aprende husi ita nia passadu husik buat nebe la diak soe tia ba kotuk halo buat nebe diak hodi kontinua ba iha future”.

Reprezentante husi Arte Marciais KORKA ne’e salient liu tan katak;

“Iha fatin ida ne’e atu dehan mos ba maun alin sira hotu hosi organizasaun tolu no arte rituais sira hotu, atu dehan deit katak ita tenke foti organizasaun sira sai bareira ba ita atu bele habelun malu ho diak, tanba iha maubisse ne’e ita nia kultura sira kesi metin hela ita hanesan mau alin, fetosan, ummane, kesi hela ita ho ida nee ita labele uza organizasaun atu sai bareiras ba ita hodi haketak malu, diak liu mai ita fo liman ba malu halo dialogo hodi kria paz estabilidade iha posto administrativo ida nee, husu mos ba alin foinsa’e sira husi arte marsiais tolu no arte rituais sira hotu atu prepara-an hodi kompete ba iha futuru oin mai”.

Participa iha Mini Konfrensia ho Tema “Hanoin Ida Laran Ida Ba Fraternidade Hodi Re-Integra PSHT Ba Komunidade, Organizasaun husi KORKA, IKS, 77, nomos organizasaun arte rituais seluk, Autoridade local, Lideranca komunitariu, konvidadus husi nasional municipal no komunidade balun.

Jornalista João Borges

Editor Joaquim Coutinho