Racom Maubisse, 24/05/2022, UNTL kada tinan sempre husik estudante finalist sira ba halao estaziu servisu social iha kada instituisaun governu, organizasaun lukrutivu ho non lukrutivu sira iha teritorio timor laran tomak, hanesan mos oras ne’e dadaun UNTL liu husi Faculdade Siencia Sociais Departementu komunikasaun social, haruka Estudante nain lima halao estajiu iha Radio Komunidade Maubisse Mauloko, durante fulan rua.

Ba Radio Komunidade Maubisse Mauloko Vice Director Komunikasaun Social UNTL Roberto Pacheco Hato’o Agradece ba Autoridade Local Konselho Radio no Jestor Radio Komunidade Maubisse tamba bele simu estudante estaziadu sira iha Radio Komunidade Maubisse Hodi halao Estazio tamba ne’e tuir Roberto hato’o obrigadu no agradece ba parte hotu iha Maubisse, liu liu Autoridade local sira, Konselho radio no Jestor radio.

“Ami agradese tebes ba radio komunidade maubisse mauloko tanba bele fo ona biban ba ami nia estudante nain lima hodi halo estajiu professional, tamba dala barak universitariu sira sempre halo ema bolu dehan estajiu social, maibe estajiu ida nebe maka aprofunda ba material sira nebe maka durante sira hetan ba, tamba sira ne’e iha depertamentu komunikasaun social iha fakuldade siensia sociais sira nia area estudu ba iha jornalismu tanba nee maka, ami identifika fatin atu halo estajiu professional maka radio mauloko”

Hein katak alin nain lima neebe mai iha ne’e, bele aprende buat barak tanba buat nebe maka sira estuda iha banku universitariu nian dala barak iha teoria akontese oin seluk, maibe iha tereno akontese oin seluk, tanba nee maka ami hakarak lori ami nia estudante sira mai iha ne’e atu nune’e sira bele hatene kondisaun real husi serbisu jornalizmu, ne’e maka oinsa sira mos bele hatene no sira mos bele integra ba iha sira nia an no sira nia matenek sida maka sira hetan bainhira estuda iha nivel universitariu iha pratika lolos atu nune’e aban bairua sira akaba sira nia estudu, sira la hakfodak tan saida maka sei mosu iha sira nia futuru mai.

Jornalista Natalino Mendonca

Editor Joaquim Coutinho