Racom Maubisse, 24/05/2022, UNTL kada tinan sempre husik estudante finalist sira ba halao estaziu servisu social iha kada instituisaun governu, organizasaun lukrutivu ho non lukrutivu sira iha teritorio timor laran tomak, hanesan mos oras ne’e dadaun UNTL liu husi Faculdade Siencia Sociais Departementu komunikasaun social, haruka Estudante nain lima halao estajiu iha Radio Komunidade Maubisse Mauloko, durante fulan rua.
Ba Radio Komunidade Maubisse Mauloko Vice Presidente Konselho Racom Maubisse Adelino M. Espiritu Santo hateten katak;
“Ha’u simu informasaun antes semana ida husi jestor radio komunidade maubisse katak dentro semana ida nee estudante untl sira sei halao estasiu durante fulan rua iha radio, pronto laiha buat ida tanba radio nee destinada ba ema hotu hotu bele aprende kona ba funsaun radio, benvindo ba dosente no estudante sira hotu. Tenki uza opurtunidade sira nee hotu karik fulan rua resin iha radio para atu bele aprende maske equipamentus ba radio minimu maibe buka para atu bele fahe tempu hanesan atu fahe planu rumae karik atu sai ba liur kontaktu ho direktor ou xefe suku sira atu nunee asegura serbisu sira nebe maka ita halo iha liur”.
Perante surumutuk iha radio Komunidade maubisse, Vice Presidente Konselho Racom Maubisse Adelino M. Espiritu Santo Lori Estrutura Konselho Radio Hato’o bem Vindo ba estudante no Dosente nain tolu ne’ebe akompanha Estudante estaziariu nain lima ne’ebe kompostu husi feto tolu no mane rua mai halao estaziu durante fulan rua iha Radio Komunidade Maubisse Mauloko.
Iha oportunidade ne’e mos Vice Presidente komisaun organizadora Paroquia Maubisse ba festa padroeira no festa fahi ulun konvida mos estudante no dosente sir abele hola parte iha serimonia festa fahi ulun ne’ebe sei realiza iha dia 23-24 de Julho 2022.
Jornalista Natalino Mendonca
Editor Joaquim Coutinho
