Racom Maubisse (11/03/2022) Alexo de Deus  husi Postu Administrativo Turiscai Municipio Manufahi hateten ida ne’e ba Radio Komunidade Maubisse Mau-loko iha area Urahou Maubisse Sesta feira ne’e hafoin hamutuk ho komunidadade sira dada kareta sira ne’ebe mout tama iha tahu laran tamba estrada husi Urahou Maubisse Kotu.

Tuir nia hateten Estrada refere halao deit rehabilitasaun hahu husi 2012 mai to ohin loron seidauk hadia, Tamba ne’e ho kondisaun estrada ne’ebe kuak nia konsidera lao ho motor hanesan sae kuda fuik tamba riba ba riba mai antes tó iha fatin.

“Estrada Turscai ida ne’e hahu dudu deit hahu husi 2012 maka tó hela Agora, ne’ebe dalan ne’e halo ami tristi ami lao mós kuandu udan bót ne’e hanesan Ami Kaer Fali Kuda Fuik Sira maka ami Sae liu husi ne’e, para lori ami riba tún riba sa’e ami hodi sai ba Maubisse no fila fali ba Turiscai ne’e hanesan Ami Sa’e maka Kuda Fuik” Dehan Alexo 11/03/2022

Ho estrada ne’ebe maka ba oras ne’e dadaun kotu iha Area Urahou Maubisse Municipio Ainaro ne’e ho laran tristi nia hateten;

“Kotu ne’e laos iha ida ne’e deit, maibe husi ida ne’e tama tó Turscai kotu das-dasa deit, hatete dala barak ona no husu dala barak ona ba Estadu Sentral no Estadu Municipio  mais Governu la tau matan tó agora ami maka hela ho hanesan ne’e deit, kala ami nia rai Turscai ema dehan fatin ida ne’ebe maka Ijoladu iha Municipio Manufahi no Kapital Nasaun Timor Leste ne’e nian”  Hateten Alexo ba Jornalista Radio Komunidade iha Urahou Postu Administrativo Maubisse Municipio Ainaro 11/03/2022.

Entretanto ba oras ne’e dadaun mós iha Maubisse Municipio Ainaro sei  kuntinua udan  no aumenta liu tan.

Jornalista         Moises da Silva Magno

Editor              Joaquim de Fátima Coutinho