Racom Maubisse (11/03/2022) Udan bót ne’ebe akontese iha Postu Administrativo Maubisse Municipio Ainaro mai tó ohin loron fó nia impaktu ba estrada husi Urahuo Maubisse ba Turscai Kotu.
Ho situasaun ne’e difikulta transporte roda rua no roda ha’at la bele asesu, liu-liu liga ba iha Suku, Fatubesi, Edi, Maulau, Manetu, no Manelobas Postu Administrativo Maubisse Municipio Ainaro.
Ba Radio Komunidade Maubisse Mau-Loko Ofisial Dezemvolvementu Komunitariu Postu Administrativo Maubisse Municipio Ainaro Xisto Alves Lemos hateten, estrada ne’ebe maka kotu dadauk ne’e laos deit fó impaktu ba movimentasaun trasporte ba Postu Turiscai deit maibe ba mós Komunidade Suku 5 iha Postu Administrativo Maubisse Municipio Ainaro.
“Tuir hau nia haré estrada ne’ebe maka ligasaun husi Maubisse ba Postu Administrativo Turiscai, laos deit ba Postu Administrativo Turiscai deit maibe ba mós Suku 5 iha Parte sorin hanesan Suku Fatubesi, Edi Maulau, Manetu, Manelobas” Hateten Xisto 11/03/2022.
Tuir nia hateten ho kondisaun ne’e bele fó ninia impaktu ba iha Elisaun Presidensial,wainhira trasporta Matreal Sensitivo ho nom Sentivo ba Suku 5 ne’ebe hanesan dadaun mensiona ne’e.
Ne’ebe tuir hau nia haré bele fó impaktu ba mós iha Elisaun iha semana oin tamba material Sensitivus sira sei aloka ba iha Suku 5 iha Postu Administrativo Maubisse ninian hanesan ohin hau temi no mos Postu Administrativo Turiscai. Tamba ida ne’e hau husu ba iha parte kimpetente liu-liu MOP atu bele haré estarda ne’e para bele hadia iha tempu badak, tamba se la hadia udan maka mai loron ida rua tan ninia impaktu ne’e bót liu tan” Dehan nia ba Jornalista RKMM 11/03/2022.
Nia afirma liu tan katak informa ona ba iha Xefe Ofisial Dezemvolvementu Municipio Ainaro liu husi Via Telefone hodi buka solusaun no ható ba iha parte kompetente Ministériu Obras Públiku núne’e bele hadia iha tempu badak nune bele trasporta Matreal Sensitivo ho non Sensitivo ba iha Suku 5 ne’ene maka sei liu husi estrada refere.
Ho kondisaun ne’e tuir Pasazerus kareta Angguna husi Postu Administrativo Turiscai Municipio Manufahi Carlos de Jesus Nunes ba Radio Komunidade Maubisse Mau-Loko haktuir;
“Ita nia Estadu sira haré ho matan liu husi Kampaña ne’ebe sira mai liu husi dalan ida ne’e, dala barak osan ne’e aprova hela deit ba estrada ba buat hot-hotu mais realidade laiha ne’ebe Komunidade Postu Turiscai ninia sofrementu maka ida ne’e. Ne’ebe husu ho haraik-an ba Nai Ulun sira kolia ba dezemvolvementu mais hanesan deit Osan aprova Miliaun ba Miliaun mais nia rejultadu laiha, Tamba ne’e husu ba Nai Ulun sira hakarak kaer ukun tau matan ami povu Turiscai nia estrada ida ne’e” Hateten Carlos 11/03/2022
Entretanto ba oras ne’e dadaun mós sei kuntinua nafatin no aumenta liu tan.
Jornalista Moises da Silva Magno
Editor Joaquim de Fátima Coutinho
