Komunidade Husu Governo Hadia Estrada Maubisse-Turiscai Tamba Fatin Proklamador RDTL nian

0
457 views

Racom Maubisse (11/03/2022) Reprezenta Komunidade Postu Administrativo Turiscai Municipio Manufahi Alexo de Deus hateten;

“Proklamador nia rai no fatin maka sai at hela hanesan ne’e, fatin hotu ita lao ba senti diak Proklamador nia rain maka sai at hela hanesan ne’e. Jornalista Rasik haré ho matan hanesan ohin ami dada kareta, ami dudu tó tahu mós sa’e tan ba ami nia oin sira, konta ami ho karau metan hanesa deit” Dehan Alexo 11/03/2022.

Ho Kondisaun ne’e Alexo husu ho haraik-an ba Governo liu husi Parte Kompetente atu haré ba netik ba iha Prokupasaun Komunidae Postu Administrativo Turiscai nian ne’e  núne’e bele fasilita komunidade trasporta produtu lokal asesu ba iha merkadu hodi hetan osan ruma hodi sustenta moris lor-loron nian.

“Karik bele dada tia netik rai sira be monu tia tun mai estrada ne’e, dada halo tetuk itoan para ami mós lao ne’e ho kontenti, mais ida hanesan ne’e ami molok tó Turiscain ami hanesan Karau Metan foin sai husi debu” Rekomenda residente Postu Administrativo Turiscain ne’e 11/03/2022. 

Nia hatutan kondisaun ne’e laos husi Maubisse ba Turiscain Maibe iha Postu Administrativo Turiskain rasik dalan ba iha Suku Sira at liu tan tamba Impaktu husi udan.

Jornalista         Moises da Silva Magno

Editor              Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments