by

HBO PRODUS CHA HERBAL IHA MAUBISSE FA’AN BA MERKADU LOCAL NO INTERNASIONAL

Racom Maubisse: Asosiasaun Feto Hanoin ba Oin (HBO) sai mahon ba  grupu feto iha Aldeia hitu iha Maubisse hodi produs produtu lokal ba Cha herbal hodi fa’an ba iha Merkadu lokal no merkadu internasional, produtu lokal sira ne’e fa’an ona iha merkadu domistika sira iha Dili no merkadu internasional mak hanesan Japaun, tamba ne’e ba radio Komunidade Maubisse Mauloko, Presidente HBO Angelina da Silva do Santor haktuir katak;

Ami produs produtu Lokal no fa’an ba iha merkadu lokal no internasional no agora dau-dauk produtu ne’ebé produs husi inan feton sira iha Grupu hitu ne’ebe esiste iha Maubisse fa’an ona iha merkadu domestika sira ne’ebé iha Dili no mos merkadu internasional mak hanesan Japaun.” Dehan presidente Asosiasaun Feto Hanoin ba Oin, Angelina da Silva do Santos.

Nia mos hatutan tan sira produs tan ai-tahan sira ne’ebé iha to’os laran hanesan Abokat tahan, Derok tahan, Du’ut Dareta tahan, Ortalaun, husi du’ut no ai-tahan sira ne’e grupu feto Hanoin ba Oin produs sai hanesan cha Herbal hodi fan ba konsumidor sira, maibe ho situasaun moras kovid-19 impede aktividades sira labele lao;

Ami aumenta tan produtu lokal sira ne’ebé mak inan feton sira produs husi du’ut no aitahan sira ne’e iha to’os laran henesan Abokat ita bele han nia fuan no fa’an nia tahan  mos ita bele uza hanesan cha, Derok mos hanesan, durante ne’e ita hatene derok nia fuan maibe derok tahan ita ladun uja, maibe ho existensia grupu ne’e transforma derok nia tahan sai ba cha, iha mos du’ut ida naran dareta, durante ne’e ema barak la hatene konaba ida ne’e maibe ida ne’e mos ami uza hanesan cha no ortalaun maioria ita hatene ba tein de’it maibe ami transforma ba cha herbal no fan ba iha merkadu. ” dehan nia iha nia knar fatin HBO Maubisse.

Nia mos tenik tan katak inan feton sira husi grupu hitu ne’e hahu halo produtu iha tinan 2007 komesa halo no iha 2009 ho agora no hetan apoiu husi ONG PARCIK no to’o 2018 kontratu ho PARCIK remata ona no husi tinan ne’e grupu ne’e deside hamrik mesak ho legal, maske agora grupo ne’e hamrik mesak maibe sei nafatin hetan asistensia husi PARCIC;

“Ami hamutuk ho inan feton husi grupu hitu ne’e hahu halo produtu iha tinan 2007 no komesa fa’an iha 2009 tanba hetan apoiu husi PARCIC no iha 2018 tanba kontratu ho PARCIC remata ona ami mos lakohi husik de’it saida mak ami aprende ona husi PARCIK, mak ami ho hanoin deside kopera hamutuk ho ami nia grupu sira  kontinua halo atividade ida ne’e, hahu husi fulan Setembru 2018, no grupu ne’e sai legal no hamrik mesak to agora kuaze tinan rua resin ona ami jere rasik.” Tenik nia ba Jornalista Radio Komunidade Maubisse Mauloko 08/09/2021

Makse hasoru difikuldades oi oin maibe to’o agora, Asosiasaun Feto Hanoin Ba Oin (HBO) konsege tranporta ona produtu hirak ne’e ba iha merkadu lokal sira iha Dili no Merkadu Internasional mak hanesan Japaun no agora iha planu atu transporta tan ba Australi no Indonesia.

Jornalista        : Joaquim de Fatima Coutinho

Editor              : Teresa Mendonça Nunes

Comment