ESKOLTU SAUDOZO NICOLAU LOBATO ANTONIO BENDITO “KAKEULAU” TRISTE SEIDAUK HETAN DIREITU

0
231 views

Racom Maubisse: Iha intervista ba Radio Komunidade Maubisse Mauloko, Escoltu Saudozo Presidente Nicolau Lobato, hateten katak nia sente tristi tamba to’o agra seidauk hetan nia direitu hanesan hanesan veteranus ida. Maske imu ona medaha kondekorasaun tamba nia luta iha tinan barak, kaibe pensaun to’o agora seidauk.

Luta ne’e ita luta hotu, maibe ikus mai hau hetan de’it medaila mas laos Midelia ida Oru ne’e lae, tamba ne’e hanesan ami katuas sira sente ne’e hanesan bai-bain, ho medaila ne’e hau sente ladun diak, tamba ema seluk hetan osan ita hetan deit medaila, ho ida ne’e bele dehan diskriminasaun, tamba ema seluk gosa maibe ita hanesan delegau sae ba forsa, forsa sae ba komandante iha tempu funu mak ita hetan deit medaila oan ne’e, ba hau sente triste.” Dehan nia iha loron Segunda 08/09/2021

Bendito hatutan liu tan katak, tuir nia hare husi parte relevante sira halo ona verifikasaun dadus, maibe sira la verifika klean no klaru tanba sira mai ho maneira ne’ebé halo trauma vitima sira no vitima sira ho tauk no trauma mak sira labele klarifika klean informasaun ba sira;

“Ekipa ne’ebe ba halo verifikasaun ne’e ladun husu maibe tuir lolos sira tenke husu netik liafuan ruma, katak iha tempu okupasaun ita servisu saida, luta ka lae, maibe sira mai de’it dehan ami rekoilla dadus maibe sira koalia makas halo ema trauma no tauk, halo ema labele klarifika informasaun klean ba sira, ema sira ne’e hamutuk ho Saudozu Alfredo Bossa, tamba ne’e to’o agora Sr. Bendito seidauk hetan nia direitu ba osan veteranus nian, maske medalha nia simu ona”. lia hirak ne’e, nia hato’o iha edifisiu Radio Komunidade Maubisse Mauloko

Tamba ne’e Nia rekomenda ba governu hodi tau matan ba sira ne’ebé mak seidauk hetan sira nia direitu pensaun veteranus nian, nune’e bele hetan hikas fali hodi goja iha ukun rasik an ida ne’e, tuir mai Antonio Bendido haktuir;

“Hau nia rekomendasaun ba governu bele nakloke no tau matan ba ami sira ne’ebé mak oras ne’e daudauk sei halerik, ami halerik laos tanba naok te’en, laos tanba debe dor, laos tanba abuza dor mak ami halerik lae. Ami halerik tan de’it rai ne’e hetan tiha ona ukun-an tinan sanolu resin sia (19) maibe barak mak seidauk hetan nia direitu.” Tenik nia ba Jornalista Radio Komunidade Maubisse Mauloko

Tamba ne’e Nia husu atu tau matan ba luta nain sira iha rai laran, husi lorosae to’o loro monu, no husi tasi feto to’o tasi mane tamba ita hotu nia luta mak Timor hetan ukun rasik-an.

Jornalista : Melvia Mendonça

Editor : Joaquim de Fatima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments