Racom Maubisse (26/01/2024) Forum ONG Timor-Leste (FONGTIL), Serviço de Apoiu á Sociiedade e Auditoria Social (SASCAS) Sesta Feira ne’e Sosializa “Manuál Jestaun ba Fundu Sosiedade Sivíl” ba Membru ONG Rejiaun Rai-Klaran ne’ebé kompostu husi Munisípiu Aileu, Ainaro, Covalima no Manu-Fahi (COVAMA)
iha Salaun Paroquial Maubisse, Postu Administrativu Maubisse, Munisípiu Ainaro.
Objetivu husi sosializasaun ba matadalan proposta SASCAS nian hanesan dalan ida hodi fasilita membru ONG sira oinsa aplika ba fundus SASCAS tinan 2024 nian.
Antes hahú aktividade Sosializasaun ne’e Konsellu Fiskál Forum ONG Timor-Leste (FONGTIL) Rejiaun Rai klaran Armando da Silva, Husu ba Membru sira rona no buka hatene oinsá atu bele aplika ba proposta sira hotu.
“Ohin ita hamutuk iha ne’e para bele hetan informasaun ne’ebé maka kredivel ba ita atu bele aplika ba Fundus SACAS. Sosilizasaun ida ne’e laos tinan ne’e maka foin hahú maibe tinan-tinan ita sempre halo kona-ba matadalan SASCAS nian ne’ebé maka dadaun ne’e Lidera husi Sr. Joaquim da Costa Freitas (Maun Kin).” Hateten Konsellu Fiskál Forum ONG Timor-Leste Reprejenta Diretur Exekutivu FONGTIL Valentim da Costa Pinto 26/01/2024.
Nia mós kuntinua enkoraja liu tan membru Organizasaun Sosiedade Sivíl Rejiaun Sentral atu hatene jere osan ne’ebé asesu husi SASCAS tamba ne’e osan povu nian.
“Ho ida ne’e nafatin enkoraja ba Kolega membru sira hotu ne’ebé maka iha COVAMA kuntinua aplika wainhira rona ona kona-ba Matadalan sira oinsa maka hakerek Proposal, Relatóriu sira. Ita hateten katak, iha COVAMA iha membru balun asesu no iha membru balun mós maka la asesu, tamba ne’e atu asesu no la asesu depende ba iha ita nia Organizasaun rasik hatudu prestasaun liu husi kualidade Proposta no prestasaun servisu ita nian durante ne’e. Tamba ne’e liu husi biban ida ne’e hakarak rekomenda mós ba membru NGO sira hotu katak osan ida ne’e osan Povu nian osan Estadu nian sei wainhira ita bót sira asesu kuntinua hatudu ita nia responsabilidade, hatudu ita bót sira nia Boa Governasaun, hatudu ita nia prestasaun iha Públiku ne’e ho diak, se ita kolia kona-ba auditoria social ita mós kolia kona-ba ita nia-an rasik ” Hatutan Armando da Silva.
Fatin hanesan Admiistrador Postu Administrativu Maubisse Joaquim Soares Salsinha hateten, hanesan Autoridade másimu iha Maubisse Agradese ba FONGTIL tamba disidi no hili Maubisse sai hanesan sentru ba Sosializasaun Manuál Jestaun Fundus Sosiedade Sivíl ba Membru FONGTIL iha Rejiaun Rai-Klaran kompostu husi Munisípiu Aileu, Ainaro, Covalima no Manu-Fahi.
“Hanesan Autoridade másimu iha Postu ida ne’e senti agradese no Hondradu tamba SASCAS, FONGTIL, no Organizasaun Sosiedade Sivíl bele foti Maubisse sai hanesan sentru ida hodi sosializa materia sira iha Postu Maubisse. Tamba ne’e hanesan Administrador Postu Maubisse senti Ondra no orgullo tamba foti fatin ida ne’e sai hanesan sentru ba aktividade ida ne’e.” Hateten Administrador Postu Maubisse.
Nia mós hatete katak nia Parte nafatin prontu Apoiu no servisu hamutuk Sosidade Sivíl, tamba tuir Xefe do Postu ne’e katak papel Sosiedade Sivíl importante hodi kontrola Aktividade Boa Governasaun iha Rai ida n’e’e. Aumesmu tempu loke abertura ba aktividade Sosializasaun ne’e iha Maubisse.
“Lori Komunidade Postu Administrativu Maubisse nia naran pronto nafatin kolabora ho Organizasaun Sisiedade Sivíl tamba sira maka iha papel importante hodi kontrola ba aktividade Boa Governasaun nian. Tamba ne’e maka hanesan Administrador Postu Maubisse nafatin no pronto atu kopera ho ho NGO sira ba Kualquer aktividade ne’ebé implementa iha Postu Maubisse Munisípiu Ainaro. Hakotu Intervensaun Autoridade másimu Postu Maubisse ne’e.”
Biban no fatin hanesan antes tama Aprejentasaun Manuál Jestaun ba Fundu Sosiedade Sivíl, ne’ebé aprejenta direita husi Koordenadór Assesoria Sosiedade Sivíl e Diretór SASCAS Joaquim da Costa Freitas hateten, Surumutu ne’e atu ko’alia entre Sosiedade Sivíl no Gabineti Apoiu Sosiedade Sivíl ho SASCAS, oinsá ita atu bele diskute Manuál Jestaun Fundus Sosiedade Sivíl. Kuntinua husu ba Sosiedade Sivíl tenke konsisténsia atu halo servisu ne’ebé di’ak hodi kontribui ba Nasaun Timor Leste.
“Kontenti hasoru imi hotu hahú tinan 2024 ne’e, mais atu hatete ba Direktur sira hotu iha ne’e katak Manual ida ne’e laos foun maibe Manual ida ne’e iha 2013 hau lao haleu Timor hodi halo tia sosiakizasaun ona ho Gabinete Sosiedade Sivíl iha Premeiru Ministru. Agora muda ba Vise Premeiru Ministru nia lalaok, natureza, nia prosesu laos foun ba hau, hau jere Gabinete ida ne’e tinan 10 fulan 3 depois iha Oeto Governu maka Pecat tia hau, depois mai Nunu Governu bolu fila fali deit ne’e kala buat ruma hau halo diak maka Nunu Governu bolu fila fali ne’e.” Hateten Diretór SASCAS Joaquim da Costa Freitas.
Koordenadór Assesoria Sosiedade Sivíl e Diretór SASCAS Joaquim da Costa kuntinua hatutan liu tan katak;
“Surumutuk dader ida ne’e ita kolia iha konteksttu relasaun entre sosiedade sivíl ho Gabinete sosidade sivíl amizade ne’e kuntinua metin enkuantu imi mós servisu iha kraik ne’e ho didiak. Husu ba NGO hotu husi Minisípiu 4 ne’e tau atensaun ba kriteria ne’e tamba kriteria ne’e maka determina imi nia Proposta, agora ne’e manual maka manda, kualidade maka manda, no ita labele kuntinua aposta ba iha kuantidade konta maka ba iha númrtu deit mai ita aposta ba rejultadu.”Hatutan Diretur
SASCAS.
Atividade ne’e hetan Partisipasaun husi, SASCAS, FONGTIL, Administradór Postu Administrativu Maubisse, hamutuk Organizasaun Sisiedade Sivíl husi Reijaun Rai Klaran HIS, RACOM MBS, HJR, TALATA, ACB, FAKMS/FAS, AJR, TALATA, ACB, FAKMS/FAS, SAAS, F-RYA, CEFOBOM, LBM, CCC, AGMSHGMF, ARC, HLT, Hacom, FLBF, AE-ATB, MAHARU, CTRA, no KGM.
Jornalista Moises Magno
Editór Joaquim Coutinho
