ADMP Maubisse Joaquim Salsinha, Loke Abertura Sosializasaun Matadalan Proposta SASCAS Ba OSS Rejiaun Sentral COVAMA

0
11 views

Racom Maubisse (26/01/2024) Administrador Postu Admininistrativu (ADMP) Maubisse Joaquim Salsinha Sesta Feira ne’e partispa no Loke Abertura Sosializasaun Manuál Jestaun ba Fundu Sosiedade Sivíl ba Membru Organizasaun Sosiedade Sivíl (OSS) Rejiaun Rai-Klaran ne’ebé kompostu husi Munisípiu Aileu, Ainaro, Covalima no Manu-Fahi (COVAMA), iha Salaun Paroquial Maubisse, Postu Administrativu Maubisse, Munisípiu Ainaro.

Objetivu husi  sosializasaun ba matadalan proposta SASCAS nian ne’e hodi fasilita membru ONG sira oinsa  aplika ba fundus SASCAS tinan 2024 nian.

Liu husi abertura Autoridade Postu Maubisse ne’e hateten;

“Hanesan Autoridade másimu iha Postu ida ne’e senti agradese no Hondradu tamba SASCAS, FONGTIL, no Organizasaun Sosiedade Sivíl bele foti Maubisse sai hanesan sentru ida hodi sosializa materia sira iha Postu Maubisse. Tamba ne’e hanesan Administrador Postu Maubisse senti Ondra no  orgullo tamba foti fatin ida ne’e sai hanesan sentru ba aktividade ida ne’e.” Hateten Administrador Postu Maubisse 26/01/2024

Nia mós hatete katak  nia Parte nafatin prontu Apoiu  no servisu hamutuk Sosidade Sivíl, tamba tuir Xefe do Postu ne’e katak papel Sosiedade Sivíl importante hodi kontrola Aktividade Boa Governasaun iha Rai ida n’e’e. Aumesmu tempu loke abertura ba aktividade Sosializasaun ne’e iha Maubisse.

“Lori Komunidade Postu Administrativu Maubisse nia naran pronto nafatin kolabora ho Organizasaun Sisiedade Sivíl tamba sira maka iha papel importante hodi kontrola ba aktividade Boa Governasaun nian. Tamba ne’e maka hanesan Administrador Postu Maubisse nafatin no pronto atu kopera ho ho NGO sira ba Kualquer aktividade ne’ebé implementa iha Postu Maubisse Munisípiu Ainaro. Hakotu Intervensaun Autoridade másimu Postu Maubisse ne’e.” Remata

Atividade ne’e hetan Partisipasaun husi, SASCAS, FONGTIL, Administradór Postu Administrativu Maubisse, hamutuk Organizasaun Sisiedade Sivíl husi Reijaun Rai Klaran  HIS, RACOM MBS, HJR, TALATA, ACB, FAKMS/FAS, AJR, TALATA, ACB, FAKMS/FAS, SAAS, F-RYA, CEFOBOM, LBM, CCC, AGMSHGMF, ARC, HLT, Hacom, FLBF, AE-ATB, MAHARU, CTRA, no KGM.

Jornalista                     Moises Magno

Editór                          Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments