Racom Maubisse (17/01/2024) “Imi Jovens Intelektuais Matenek sira iha ne’e ami sira Katuas Ami Jenerál ne’e laos ami tuir formasaun Akademíku, mais aban sira ne’ebé tuir ami sira tuir duni formasaun Akademíku sira ne’e professional. Ami ne’e tamba ami fígura no ami nia Istória ida ne’e maka ami hetan Fitun sira ne’e. Kritika ne’e Demokrásia maibe tenki ho Etíka.” Hateten Jenerál Reformadu Lere Anan Timur iha Seremonia Inaugurasaun Monumentu Saudosu Venancio Ferraz Kuarta feira ne’e iha   Unidade Polísia Militár Kintal bót Dili, Timor-Leste.

“Kuandu sira krítika ita nai Maun ita nia Aman ita nia Avo Prezidente, Krítika ita nia Avo ita nia Maun Xanana núdár Premeiru Ministru (PM), ema ida ne’ebé halo Krítika la hateke ba kotuk, sira hanoin katak ohin loron ita hanesan deit ona Demokrásia Liberdade ita direitu hanesan maibe hare ba Istória ita la hanesan. Ne’e maka husu ba Matenek nain sira atu kolia karik hanoin didiak, kuandu halo buat ruma tenki hanoin didiak maka halo”.  Husu Lere Anan Timur.

Momentu hanesan ligadu ho Seremonia Inaugurasaun Monumentu Saudozu Venancio Ferraz no Aniversáriu Unidade Polisia Militár ba dala 19, Vaterano 24 Anos ne’e hateten;

“Ohin ita Inaugura Estatua Mahein Patronu ba Polisia Militár, hau nia Irmaun hau nia Kampaiñeru Ferraz agradese obrigadu ba familia bót Saudozu Ferraz nian. Mós ba familia hot-hotu ne’ebé fó nia osan mean, ninia murak ba Rai ida ne’e no Povu ida ne’e maka ohin loron bele hetan Idepedensia hanesan Nasaun Soberanu Indepedente iha Mundu Rai Klaran. Hau nia mensajen ba imi Polisia Militár (PM) imi pronto iha kualqer oras, enkuantu iha imi nia juramentu dehan katak, Hau pronto fó hau nia vida ida ne’e maka imi labele haluhan. Ba imi Polisia Militár susesu ba imi nia servisu hadomi imi nia familia, hadomi imi nia Instituisaun imi ho imi tenki hadomi malu servisu hamutuk, atu bele fó susesu nafatin ba Polisia Militár,” Remata.

Jornalista                     Moises Magno

Editór                          Joaquim Coutinho