Racom Maubisse (24/12/2023) Amu Pároko Paroquia Imaculado Coração de Maria Maubisse (PICOMA Sigla Portugés) Padre João Soares hateten lia ne’e liu husi Homelia iha Selebrasaun Missa Natál Kalan  hodi hanoin hikas Prezensa Kosok-Oan Nai Jesus Kristu ne’ebé moris hanesan ema kiak iha balada nia han fatin.

“Maromk ida be bót tebes halo-an kíkoan tebes Kosok-Oan tebes laos ema Sigante. Halo-an kík atu ema hakbesik ba Nia no hadomi Nia, Nia la husu buat seluk Nia husu deit atu ita hadomi nia hanesan kíkoan sira hotu iha Mundu Rai Klaran. Maun Alin Doben sira dala barak ita mehi Maromak mosu mai hanesan Liurai bót ida, hanesan Jeneral mai ho Nia Soldadu rihun ba rihun maibe laos núne’e Maromak mai hanesan Kosok-Oan fraku tebes kuaje laiha kbít Ninia kbít  laos Kilat maibe Nia Kbít maka domin. Tamba hadomi ita ema Nia husik Nia Tronu moris hanesan ema Kiak no Kík iha Balada han fatin, Kosok-Oan ida ne’e hanorin ita ohin kalan Atu Salva Ema La Presija Halo-An Hanesan Ema Bót, La Presija Halo-An Hanesan Ema Importante. Pelu kontrariu Atu Salva Ema, Atu Salva Mundu, Atu Salva Timor, Atu Salva Maubisse, Ita Presija Sai Husi Ita nia Loko-An, Ita Nia Seguransa Falsu, Husi Ita Nia Kultura Violensia Presija deit  Maka Domin”. Hateten Amu Paróko Ba Sarani Maubisse Liu Husi Nia Homelia ba Selebrasaun Missa Natál Kalan Iha Ingreja Maubisse 24/12/2023.

“Tulun sira ne’ebé fraku hadomi ita nia maluk sira ho ita nia entrga-an tomak labele simu buat ruma. Ne’e duni Maluk Sarani Doben sira Natál tinan-tinan konvida ita atu fó ita nia-an rasik no fó ho maneira totál. Entre prejente barak ne’ebé ita sosa iha Loja ka Timor Plaza Obralan sira, prejente ne’ebé ita simu husi ita nia familia ka belun sira, ita labele haluhan prejente ne’ebé lolos fó nafatin ita nia-an rasik ba ema seluk ne’ebé presija fó bebeik iha ita nia tempu, ita nia lolo liman, ita nia hakbesik-an  ba ema seluk liu-liu fó ita nia tempu ba Maromak. Ita reja ba malu husu Kosok-Oan atu kultiva ita nia vertude haraik-an atu ita servi Maromak liu husi ita nia Maluk sira”. Remata.

Entertantu selebrasaun Missa Natál Kalan iha Paroquia Imaculado Coração de Maria Maubisse (PICOMA Sigla Portugés) situasaun lao ho hakmatek no kontroladu tamba hetan seguransa másimu husi membru PNTL Esquadra Postu Administrativu Maubisse no Seguransa PICOMA.

Jornalista                     Moises Magno

Editór                          Joaquim Coutinho