Fini ne’ebe Extensionista fahe ba grupo agrikultor sira iha Maubisse mak hanesan batar fini 2,5 ton, fini modo, fehuk ropa, brinzela, tomate alfase ho tan fini seluk.

25/09/2020, Ba Jornalista Radio Komunidade Maubisse, Koordenadora Extensionista Posto Administrativu de Maubisse, Esmeralda Pereira Carlos haten katak, antes fahe fini ba grupo agrikultor sira iha Maubisse, ministeriu Agrikultura husi Municipiu Ainaro ofrece uluk traktor mai lavra rai iha komunidade sira nia to’o hanesan iha suco Fatubessi, Suco Maulau, Suco Edi Suco Maubisse Villa inklui Suco Aituto Posto Administrativu de Maubisse.

Extensionista ne’e esplika liu tan katak, depois de traktor sira lavra hotu ona rai ne’ebe grupo komunidade agrikultor sira iha ba, hafoin mak fahe fini sir aba nune’e komunidade sir abele kuda, maibe difikuldade nebe hasoru mak dala ruma komunidade agrikultor sira ladun kompriende wainhira kuda fini sira ho distansia nebe dok uitoan sira ladun simu tamba dehan se husik hela fatin mamuk sira ne’e atu kuda fali tan saida mak iha fatin mamuk sira ne’e. ho ida ne’e hetan esplikasaun husi extensionista sira ikus mai bele realiza maske balun la konsege.

Husu konaba tamba sa mak traktor ne’ebe lavra rai la ba mos suco seluk tamba suco iha Maubisse sia, maibe suco lima deit mak hetan no suco hat seluk la hetan, tuir Esmeralda Pereira Carlos haktuir katak suco sira nebe traktor ba lavra rai ne’e tamba grupo sira hatama karta no rona husi Radio Komunidade Maubisse nia avizu, maibe suco sira nebe la lavara rai tamba sira la hatama pedidu ka karta ruma.

Ba oras ne’e dadaun aktividades sira lao diak hela maske situasaun klima bailoron no transporte ba extensionista sira mak susar atu halo kontrlu maksimu ba aktividade grupo agrikultor sira iha Posto Administrativu de Maubisse.

Jornalista Josefina Fernandes

Edit Racom Maubisse