Racom Maubisse, 12/12/2023, kada tinan sarani iha mundo tomak liu liu sarani kraistaun katolika selebra loron moris Na’i Jesus Kosok Oan iha loron 24-25 de Dezembro no mos tinan foun iha 31 de Dezembro kalan fahe rua.
Relasiona ho Natal ho tinan foun 2023-2024 ne’ebe la kleur sei mai, biban ida ne’e Administrador Maubisse hato’o ba Radio Komunidade Maubisse Mauloko katak
“Agora ita tama ona ba iha tempu Adventu nian katak, ita Prepara-an ba festa Natal nian hodi hein no simu kosok oan mai moris iha ita nia le’et, lori domin no paz dame mai ita hotu, tan ne’e, ha’u hanesan Administrador Postu Administrativu Maubisse, hato’o ba Sarani sira iha Paroqia Imaculada Coração de Maria Maubisse, Enjeralmente ba povu tomak iha Maubisse, Suku (9) no Aldeia (62), atu ita haloPreparasaun hodi Festeija ita nia loron Natal nian ne’ebe besik daudaun mai”.
Administrador ne’e Hatutan liu tan katak depois de ita selebra tiha Natal la kleur ita sei selebra tan tinan foun 2024 nian ne’ebe sei akontese iha fulan dezembro nia rohan;
“Ita halao preparasaun ba tinan Foun 2024 ne’ebe lakelur sei mai, tamba ne’e husu atu ita hotu kria paz dame no hakmatek liu husi dalan haksolok hamutuk hodi simu tinan foun 2024 ho esperanca, signifka nune’e ita bele Kontinua moris Hakmatek iha Situasaun ida ne’ebeke Hakmatek hodi kontinua paz no dame nune’e bele Dezenvolve ita nia moris ba future oin mai bele furak liu”.
Antes hakotu lideranca maksimu Posto Administrativu Maubisse ne’e haklean liu tan katak;
“Tamba ne’e ha’u hanesan Administrador Posto Maubisse hakarak hato’o ba ita hotu katak, iha tempu Natal ida ne’e ita Hakmatek hodi kontinua kria paz no Estabelesidade atu nune’e festa Natal ida ne’e bele lao diak iha ida-idak nia familia, Aldeia, Suku no engeralmente iha Postu Administrativu Maubisse, hodi kontinua tama ba iha tinan foun 2024”.
Maubisse precise pas dame no hakmatek iha ida idak nia familia, aldeias suco no posto no em jeral iha municipiu Ainaro nune’e it abele simu kosok oan iha natal ida ne’e no prepara-an hodi hakat ho esperanca ba simu tinan foun 2024 ne’ebe sei mai. Lalehan sadia rai sei ntane.
Jornalista : Elezita de Araujo
Editor : Joaquim Coutinho
