Racom Maubisse (04/12/2023) Informasaun ne’e ható husi Direktora Exekutiva Hospital Referal Maubisse Gabriela da Conceição Magno Preira Segunda ne’e iha nia Knár Fatin. Relasiona ho Problema Rekursus Humanus ne’ebé maka oras ne’e dadaun Hospital Infrenta.
Tuir Responsabel Hospital Referal Maubisse katak, total Funsionariu ne’ebé maka oras ne’e dadaun hkanár-an iha Hospital hamutuk 119 (Atus Ida Sanolu Rsin Sia), Kompostu husi Permanente 97 (Sia Nolu Rsin Hitu) no Kontratadu 24 (Rua Nolu Resin Hát).
“Ba iha Rekursus Humanus ita bele dehan katak seidauk sufusiente ita sei presija tan ema. Tamba totál ita nia Rekursus Humanus ne’ebé maka iha ne’e hamutuk 119, husi ne’e iha Funsionariu Permanente iha 97 depois ida kontratatu ne’e ita 24 pesoas maka kontratadu. Kontratadu sira ne’e sei para sira Kontratu iha dia 31 fulan ida ne’e sira nia kontratu sei hotu. Esntaun ita sei hasoru difikuldade, se sira 24 ne’e maka hapara sira nia kontratu entaun difikuldade itaon ita atu fahe ba iha sala sira tamba ita nia kontratadu sira ne’e iha Médiku, Parteira, Infermeira,Infermeiru, iha mós Tékniku Bio Medikal sira hadia ekipamentus sira ne’e.” Tenik Direktora Hospital Referal Maubisse ba Jornalista RKMM 04/12/2023.
Tamba ne’e atu solusiona ida ne’e Direjente Hospital Referal Maubisse ne’e kuntinua relata liu tan katak, husi Parte Hospital hatama no Sumpmete ona ba Iha Planu Orsamentu 2024 nian, kona-ba ekstensaun ba Funsionariu Kontratadu sira hatama ona karta ba iha Ministériu Saúde hodi Foti Dezisaun Ikus.
“Solusaun ida maka husi Hospital ita hatama ona ba iha Orsamentu 2024 nian ita hatama fiksu ona iha ne’ebá maibe ita mós halo ona ekstensaun kontratu maibe laos ami maka disidi maibe ami haruka karta ba Sua Esélensia Sra. Ministra ba parte Rekursus Humanus nian atu hatutan ba iha Sua Esélensia sira atu núne’e bele hetan aprovasaun ba atu bele halo ekstensaun ba sira nia kontratu maibe tó ohin ami seidauk rona rejultadu ami koko nafatin atu buka solusaun maibe depende ba iha Nai Ulun sira nia Dezisaun ne’ebé se karik sira para iha fulan ne’e nia laran ami hasoru difikuldade”. Hakotu Direktora Hospital Feferal Maubisse.
Jornalista Moises Magno
Editór Joaquim Coutinho
