Janeiru To’o Outubro 2023 Hospital Referral Maubisse Rejista Moras As Liu Diareia Ba Labarik No Hypertensaun Ba Ema Bo’ot

0
23 views

Racom Maubisse (04/12/2023) Informasaun ne’e relata direita Husi Direktora Exekutiva Hospital Referal Maubisse Gabriela da Conceição Magno Pereira  ba Jornalista Rádiu Komunidade Maubisse Mau-Loko Segunda ne’e iha nia Knár Fatin.

Tuir Direjente másimu Hospital Referal Maubisse ne’e esplika  dadus husi Janeiru tó Dezembru tinan ne’e nian  sei kultinua halo Rekapitulasaun, tamba ne’e  tuir dadus ne’ebé agora  iha husi Janeru tó Utubru tinan ne’e moras ne’ebé maka rejista as maka hanesan Moras Diareia ba Labarik sira,  Hypertensaun Ba Ema Bót, inklui mós ho Moras TPC.

“Iha Novembru ne’e tamba ita foin taka fulan entaun dadus sei halo hela Rekapitulasaun. Maibe hahú husi Janeiru to Otubru ita nia kaju barak liu ba iha labarik sira ne’e ita bolu naran Bronkopneumonia ne’e sira presija Baisa, tuir fali kaju Diareia ita bolu Eda, depois tuir Bronkiolitis kaju ne’e ba labarik sira. Depois ba iha Adultu sira ne’e ita hare kaju barak liu ita rona karik  Hypertensaun, depois iha kaju TBC maka sei barak depois iha balun kaju Denge mós iha depois ba Adultu sira iha Diareia mós maibe la barak hanesan labarik sira. Ita hare fali ba iha Pasiente sira mai lor-loron halo tratamentu depois fila fali ba uma ida ne’e mós kaju barak liu maka hanesan Infeksaun Respiratoriu ne’e maka sei domina hela iha Hospital maibe barak liu maka hanesan ohin hau temi.” Hateten Dra. Gabriela 04/12/2023.

Laos ne’e deit maibe husi Fulan Janeiru tó Utubru tinan ne’e  Hospitál Referal Maubisse mós Rejista Kaju Denge hamutuk 40 husi númeru ne’e laiha ema maka lakon vida.

“Ita mós iha Janeiru tó Utubro ne’e iha kaju ba iha Denge ne’e hamutuk 40, iha 12 pesoas maka ita halo tratamentu Baisa diak fila  laiha mate, ne’e maka ita nia kaju ne’ebé akontese iha Hospital”.  Fundamenta Jerente Hospital Referal Maubisse.

Tamba ne’e ba Komunidade Postu Administrativu Maubisse, Relasiona ho Tempu Udan Monu Rai, Responsabel Másimu Hospital Referal Maubisse ne’e kuntinua hussu, Komunidade mantein Hijene hamós Uma Hun, no hakbesik-an lalais ba iha Fasilidade Saúde karik hetan moras.

“Ba Komunidade sira Lixu sira ne’e labele soe arbiru, kalen mamuk sira ne’e ita hatene katak, susuk ne’e gosta moris iha Be ne’ebé maka lihun. Entaun ita tenki hamos ita nia uma hun sira kalen sira tenki hakoi ka ita ba soe tuir nia fatin. Depois ita nia Komunidade sira karik balun hetan isisn manas labele hela uma deit buka hakbesik-an  fasilidade sira  atu bele hatene ita bót sira nia moras ne’e, liu-liu ba labarik sira, tamba ita hatene katak Saúde ne’e iha ita nia liman tamba ne’e ita maka tenki kuidadu ita nia-an”. Husu Direktóra  Exekutiva Hospital Referal Maubisse.

Jornalista                     Moises Magno

Editór                          Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments