Racom Maubisse (29/11/2023) Direktur Exekutivu FORUM ONG TIMOR-LESTE (FONGTIL) Ho Ekipa Vizita Rádiu Komunidade Maubisse Mau-Loko (RKMM).
Objetivu pronsiapal husi vizita ida ne’e maka atu kolia direita ho Jestór Rádiu Komunidade Maubisse Mau-Loko (RKMM) Jaoquim de Fátima Coutinho, ne’ebé maka hola parte mós iha Membru FONGTIL hanesan Pontu Fokal FORUM ONG TIMOR-LESTE (FONGTIL) Munisípiu Ainaro nian.
Ligadu ho Vizita ne’e ba Jornalista Iha Estudio RKMM foin dadaun Direktur Exekutivu FONGTIL Valentim da Costa Pinto hateten;
“Objetivu vizita ne’e ho intensaun ida atu mai hasoru ita nia membru sira iha Munisípiu ida-idak hodi kolia ba malu pasa informasaun ba malu saida maka durante ne’e Sekretária FONGTIL halo, no ita nia membru sira nia existensia kada Munisípiu saida maka sira halo diak no dezafiu sira ne’ebé ke relasaun ho ita nia isu advokasia sira. No siada maka ita nia sosiadade sira infrenta liu. Tamba ita hatene mós ita nia tinan ida ne’e atu remata ona tan ne’e ita halo vizita ida ne’e atu hasoru membru hot-hotu para rekolla ita nia isu sentral sira ne’ebé akotense iha Munisípiu ida-idak ita elabora hodi lori ba iha Asembleia Annual para bele hare asaun saida maka ita foti ba kada problema sira ne’ebé infernta iha Ministériu ida-idak”. Hateten Direijente Onganizasaun Sosiadade Sivil ne’e 22/11/2023.
FONGTIL mós anota ona Prokupasaun ne’ebé maka Komunidade Maubisse Infreta maka kondisaun merkadu ne’ebé maka laiha ona Espasu ba Negosiantes sira, inklui ho Prezensa Negosiantes Internasional Xineza iha Mekadu Postu Administrativu Maubisse Munisípiu Ainaro.
“Los ida ne’e isu ne’ebé ami presija tenki foti tamba ita hatene movimentu Merkadu ne’e tenki fó kondisaun naton ba ema hot-hotu fan nain tantu ema ne’ebé ke sosa tenki tama iha Kondisaun ne’ebé ke diak. Tendensia ida ne’e ita hakarak husu no rekomenda ba Autoridade no Ministériu Relavante sira oinsa nusa maka ita bele fó kondisaun naton ba proteje inisiativa mai husi ita nia Komunidade sira ne’ebé ke hola papel hanesan fan nain.” Hatutan Direktur Exekutivu FONGTIL
Ligadu ho Prokupasaun Negosiantes Merkadu Maubisse ho Prezensa Negosiantes Xineza, Lideransa FORUM ONG TIMOR LERTE (FONGTIL) Fundamenta liu tan katak;
“Hau hanoin ida ne’e prpkupasaun ida ne’ebé ami presija enkamina ba Ministériu Kombatente para hodi bele reve fali Polítika investementu sira liu-lliu kona-ba intervensaun ita nia maluk sira ne’ebé ke mai ho kapital naton atu labele okupa hotu espasu merkadu. Se nafatin hanesan ne’e entaun ita la fó ona espasu ba ita nia maluk sira atu fan sasan, tamba se la kuntinua hetan protesaun husi ita nia Autoridade sira ba futuru ita sei sai ema nia sub ordenadu , ne’e laos kestaun rai nain maibe Governu nia knár tenki protese ne’e para bele hetan espasu iha merkadu sira. Ida ne’e maka hau hanoin Autoridade sira presija kuntinua hare no ami Sujere Autoridade Lokal sira kuntinua hare no halo monitorizasaun ba Merkadu sira”. Rekomenda Direktur Exekutiva FONGTIL Valetim Pinto.
Jornalista Moises Magno
Editór Joaquim Coutinho
