Racom Maubisse (10/11/2023) Sekretariu Estadu Terras Propriedades Jaime Xavier Lopes  hateten ida ne’e hodi hatan prokupasaun ne’ebé ható husi  husi Inacio Sarmento Viegas hanesan mós Emprezariu lokal iha Postu Administrativu Maubisse iha Sesaun diálogu hafoin Seremonia Tomada de Pose ba Estrutura CCI-TL Munisáipiu Ainaro.

Husu Inacio ba Sekretariu Estadu Terras Propriedade hateten;

“Hakaak hateten deit katak oras ne’e dadaun husi Dili mai to iha Postu no Aldeia sira rai ne’e nia nain barak tebes padahal ita moris mai ne’e la lori ho rai ikus mai rai estadu sira mós muda ba rai provadu maka barak. Tamba ne’e rekomenda ba Sekretariu Estdu katak rai ne’ebé maka Estadu ne’e Estadu nian, no Privadu Privadu nian duni.” Husu Inacio ba Sekretariu Estadu Terras Propriedade 10/11/2023.

Resposta ba Prokupasaun ne’e Sekretariu Estadu Terras Propriedades Jaime Xavier Lopes  hateten;

“Agora tuir Lei Númeru 01/2003 katak rai  sira ne’ebé maka sidadaun  Portugés  husik hela, no sidadaun Indonesia husik hela sasan sira ne’e tuir Lei Númeru 01/2003 Terras Propriedades maka administra ne’ebé atu dehan deit katak lia fuan sira hanesan ne’e ita hotu tenki iha komitmentu, tamba ne’e maske Lei laiha ita kaer ho lia fuan ida Ukun Rasik-An ne’e (URA) hodi hateten katak sasan ne’e hau nian ka laos hau nian. Tamba ne’e ita lalikan ba ukun ema nia sasan, ita la kohi ema ukun ita nia sasan maka ita duni tia ema sira ne’e sai husi Timor, Entaun ita Timor-Oan sira ne’ebé maka uluk hakarak Ukun Rasik-An ita mós labele halo Invasaun ba ema nia rain, tamba rai ne’e ita nian, hau nian, sira nian, tau hamutuk maka sai Nasaun Repúblika Demokrárika de Timor-Leste (RDTL). Tamba ida ne’e maka hau atu dehan ba imi hotu katak, atu labele okupa ema nia sasan, sasan ne’ebé ita nian ita nian, no sasan ne’ebé ema nian ema nian, hau dehan ba imi Rai la aumenta maibe ema  aumenta ba bebeik  tamba ne’e ita halo jestaun ba rai la diak maka loron ikus mai sei mosu problema bót ida iha rai Timor ne’e.” Hatan Sekretariu Estadu Terras Propriedades   Jaime Xavier Lopes.

Governante ne’e kuntinua haklaken liu tan katak;

“Iha ita nia Konstituisaun Artigu 54 iha seksaun 1 dehan katak ema hotu iha direitu ba Rai pedasuk ida. Maibe laos nia hatene deit lei ne’e maka nia ba okupa deit maibe Governu ho Estadu maka halo jestaun ba ida ne’e para oinsa maka sidadaun ida iha rai pedasuk iha rai Timor ida ne’e. Tamba ne’e maka hau husu ba maluk sira hotu rai ne’ebé maka ema seluk okupa tia kuandu hatene lolos katak rai ne’e Estadu nian iha tempu ne’e kedan nia ba notifka okupante ne’e katak rai ne’ebé ita okupa ne’e rai Estadu.” Klarifika Sekretáriu Estadu Terras Propriedades diálogo  Sesta foin lalais ne’e iha Postu Administrativu Maubisse.

Entertantu eventu Seremonial ida ne’e partisipa husi Sekretariu Estadu Terras Propriedades, Prezidente Konsellu Veteranos Munisípiu Ainaro, Amu Pároko Maubisse, Administrador Postu Maubisse, Hato-Builiku, Emprezariu Nasional, Lokal, no Negosiantes sira iha Maubisse Inklui Strutura CCI-TL Munisípiu Ainaro.

Jornalista   Moises Magno

Editór        Joaquim Coutinho