Racom Maubisse, 15/11/2023, Diretór DNPDML Diresaun Nasional Planu no Dezemvolvimentu Media Local, Adriano Monteiro hamutuk ho Xefi Departamento Rádiu Komunidade no Assesor SEKOMS Kria Enkontru ho Jestór Rádiu Komunidade 17 iha salaun Enkontru DNPDML Kintal Bo’ot Dili Timor Leste.
Relasiona ho enkontru refere hodi koalia konaba assuntu Estatutu kada Rádiu Komunidade nian tanba estatuto Rádiu komunidade balun mate seidauk renova nomos liga uitoan ho sertidaun komprovativo ne’ebe atribui husi notariadu, konta bankaria no karta deklarasaun husi Konselho Radio.
Objektivu ida seluk mos oinsa atu hamoris estatuto rádiu nian atu nune’e governu liu husi DNPDML & SEKOMS bele fasil hodi halo Transferensia Publika (FTP), ba Radio Komunidade sira.
Iha diskusaun entre Director Diresaun Nasional Planu no Dezemvolvimentu Media Local, Adriano Monteiro hamutuk ho Xefi Departamento Rádiu Komunidade no Assesor SEKOMS mak oinsa bele rona direta preokupasaun sira husi jestor Radio kounidade sira, nomos oinsa ho proposta ne’ebe kada radio komunidade hatama on aba parte DNPDML atu bele aumenta tan ITM balun hanesan komputador no Radio rekaman balun.
Tamba ne’e perante diskusaun Director Diresaun Nasional Planu no Dezemvolvimentu Media Local, Adriano Monteiro hateten katak;
“Ohin ita halao enkontru iha ne’e atu kolia deit konaba dokumentus sira kada radio komunidade, hanesan Estatuto kada radio, nomos dokumentus seluk ne’ebe relevante hanesan sertidaun komprovativus nune’e radio sirra ne’ebe mak ninia dokumentus mate karik husu atu renova nomos iha surumutuk ne’e ita hare ITM balu ne’ebe mak seidauk alista iha proposta sira atu bele aumenta tan ITM balun hanesan komputador IC Record nune’e bele apoiu servisu radio komunidade nian iha terenu”.
Partsipa iha enkontru ne’e, Diretór DNPDML, Adriano Monteiro, Asesor SEKOMS, Xefi Departamentu Rádiu Komunidades, Julio da Costa Bere Mali no Jestór/a radio komunidade sira no Inkontru ne’e halo iha salaun Enontru DNPDML Kintal-Boot Dili Timor-Leste.
Reportajem : Racom Maubisse
