Racom Maubisse (10/11/2023) Claudino Mendonça Aktual Administrador Postu Administrativu Maubisse hateten ida ne’e iha Seremonia Tomada de Pose Estruktura Foun Kámara Komersiu  Industria Timor-Leste CCI-TL sigla Posrtugés) Munisípiu Ainaro.

Autoridade másimu Postu Administrativu Maubisse ne’e hateten;

“Tomada de Pose ba Estrutura CCI-TL Munisípiu Ainaro marka Istória foun ida ba iha Postu Administrativu Maubisse, ho Estrutura foun ne’ebé maka foin dadaun simu Pose hamutuk ho lideransa Prezidente CCI Munnisípiu Ainaro ita hotu espera katak, iha mandatu 2023-2027 sei lori mudansa ba Dezemvolvementu emjeralmete iha Munisípiu Ainaro Espesialmente iha Postu Administrativu Maubisse Munisípiu Ainaro. Tamba bai-bain ita hotu hatene katak, Emprezariu sira maka sai hanesan parseiru Dezemvolvementu Governu nian Governu maka iha osan maibe implementador no ejekutador Dezemvolvementu Governu nian maka Emprezariu sira.” Hateten Xefe do Postu Maubisse 10/11/2023.

“Espera katak, ho lideransa Sr. Manuela de Araújo Ainaro sei sai mudansa ba prosesu Dezemvolvementu iha tinan 4 oin mai”. Hakotu Administrador Postu Maubisse Claudino Mendonça.

Tamba ne’e Przidente Kámara Komersiu  Industria Timor-Leste CCI-TL sigla Posrtugés) Jorge Manuel de Araújo Serano konsidera ne’e hanesan mometu Istóriku ida ba Munisípiu Ainaro tamba CCI-TL hamrík tama ba tinan 12 ona agora maka foin hahu nia konsilidasaun lolos. No nia husu ba Estrutura ne’ebé simu Pose Presija servisu hamutuk no konsistensia ba Servisu liu-liu iha vida Negosiu.

“Loron Istóriku ida ba Ainaro Kámara Komersiu (CCI sigla Postugés) harí tinan 12 agora foin halo Konsolidasaun lolós, hau Lori CCI-TL nia naran agradese tebes ba Sr. Ministru nia Prezensa iha ne’e no Sr. Sekretariu Estadu tamba fó motivasaun fó forsa foun ba CCI-TL hahu husi Munisípiu sira kedas. Tan ne’e maluk sira hau nafatin fó hanoin ba ita bót sira hotu investementu iha rai laran labele hanoin investimentu bót hahu husi buat kík prosesu ne’e mai kedan ne’e ita la ho bót ita hotu lao hakdasak maka maka sae mai ne’ebé Bisnis mós hanesan ne’e karik ida la bele nain rua hamutuk ita mesak Timor-Oan mehi mesak daik,  mehi ita hebat mais servisu maka ita lae. Ita bele iha mehi  tamba mehi maka orienta ita maibe ita tenki tau asaun ita tenki konsistensia ba saida maka ita hakarak, konsistensia ne’e importante tebes iha vida negosiu laos deit vizaun tamba ida ne’e maka dala ida tan hau apresia ba Prezidente CCI-TL Munisípiu Ainaro ho Estrutura tomak ne’ebé maka simu Pose”.  Hateten Prezidente CCI-TL Nasional Jorge Manuel de Araújo Serano.

Partisipa iha eventu Seremonial ida ne’e Sekretariu Estadu Terras Propriedades, Prezidente Konsellu Veteranos Munisípiu Ainaro, Amu Pároko Maubisse, Administrador Postu Maubisse, Hato-Builiku, Emprezariu Nasional, Lokal, no Negosiantes sira iha Maubisse Inklui Strutura CCI-TL Munisípiu Ainaro.

Jornalista Moises Magno

Editór        Joaquim Coutinho