Racom Maubisse (15/10/2023) Sekretáriu Estadu Komunikasaun Sosial (SECOMS singla Portugés) Expedito Loro Dias Ximenes ható ida ne’e iha forum Diálogu kona-ba Indepedensia Editoriál no Garante Kualidade informasaun, hodi komemora loron Balibo Five ba dala 48 no Komemorasaun Loron Nasional Liberdade Imprensa ne’ebé halao iha Postu Administrativu Balibo Munisípiu Bobonaru.
Liu husi Sesaun Diálogu ne’ebé Lidera husi Moderadora Isabel Fernandes husi Konsellu Imprensa Timor Leste, Sekretáriu Estadu Komunikasaun Sosial (SEKOMS) Expedito Loro Dias Ximenes hateten atu responde ba prokupasaun Públiku nian kona-ba kualidade informasaun Jornalista presija iha Iha Kapasidade Intelektual, Kapasidade Profesional No Tékniku.
“Kapasidade Intelektual, presija iha Kapasidade Profesional, no presija iha Kapasidade Tékniku. Bainhira ita atu responde ba prokupasaun Públiku kona-ba Kualidade Informasaun maka kapasidade tolu ne’e presija liu-liu Jornalista sira presija iha, Kualidade tolu ne’e hodi husi ne’ebé, ida maka tenki mai husi ita nia Abilitasaun Literaria ne’ebé ita iha katak mai husi ita nia Edukasaun Formal, mai husi ita nia Formasaun Tékniku, no mós ita nia adaptasaun ba iha avansu teknolojia ne’ebé oras ne’e ita atravesa. Ita hotu hatene avansu teknolijia ba oras ne’e dadaun Públiku laos ona sai konsumidor ba informasaun maibe sai ona produtor ba informasaun, tamba ne’e formasaun kapasitasaun Governu fó tebes atensaun atu bele responde ba kualidade informasaun ne’eb’e sai prokupasaun Públiku nian”. Hateten Sekretariu Estadu Komunikasaun Sosial 15/10/2023.
Tamba ne’e ba Jornalista sira Membru Governu ne’ebé tutela ba Orgaun Komunikasaun Nunu Governu Konstitusional ne’e husu;
“Ita nia Kódiku Etika Jornalismu ne’ebé iha pontu 10 regula saida maka ita bele halo no saida maka ita labele halo. Se ita kolia kona-ba oinsa Governu nia kontribuisaun atu bele garante indepedensia, atu bele garante Liberdade da Imprensa hanesan orador sira hateten hau hakarak sublina itoan tan katak, iha Nasaun Demokrátiku hanesan Timor-Leste Liberdade ne’e importante tamba Mídia hanesan mós Partidu Polítikus sira, sira pilar imprtante ba Demokrásia se sira pilar imprtante ba Demokrásia maka sira nia Indepedensia no sira nia Liberdade garante e iha mandatu Konstitusional iha Artigu 40 ho Artigu 41 Konstituisaun Repúblika ne’e garantia Indepedensia no garante Mídia nia Liberdade atu bele halao knár hanesan mandatu Konstitusional.” Tenik Sekretariu Estadu.
Expedito Loro Dias Ximenes promote mandatu Nunu Governu Konstitusional responde ba prokupasaun Públiku nian kona-ba garante kualidade informasaun maka Governu Liu husi Sekretaria Estadu Komunikasaun Sosial SECOMS Sigla Portugés) sei tau atensaun másimu liu husi Formasaun no Kapasitasaun ba Jornalista sira.
“Iha Nunu Governu Konstitusional Liu-liu iha Setór Komunikasaun Sosial iha pontu 16 ne’ebé Komunikasaun Sosial Presija atu halo ida maka atu garante kualidade informasaun maka Nunu Governu tau matan makas ba iha Formasaun no Kapasitasaun ba Kolegas Jornalista sira mós halo komparasaun ho Ajenjias Internasional sira kona-ba oinsa bele fó formasaun ba iha Linguas tamba Linguas mós bele determina ba iha kualidade informasaun ita hotu konsiente katak ba oras ne’e públiku kestiona hela kona-ba kualidade informasaun tamba ita uja Lingua ne’ebé fó dúvida ba ita nia públiku atu kompriende saida maka ita hakerek, saida maka ita fó sai Telvisaun, saida maka ita fó sai iha Radiu, no saida maka ita fó sai dala barak iha ita nia plataforma sira.” Dehan Governante ne’e.
Sai hanesan Orador ba forum Diálogu kona-ba Indepedensia Editoriál no Garante Kualidade informasaun, hodi komemora loron Balibo Five ba dala 48 no Komemorasaun Loron Nasional Liberdade Imprensa ne’ebé halao iha Postu Administrativu Balibo Munisípiu Bobonaru ne’e mai husi Prezidente Aliance Jornalis Independent Husi Indonesia, Direktur Informasaun GMN TV, Nain ba Mídia Hatutan.com, no Husi parte Governua maka Sekretariu Estadu Komunikasaun Sosial.
Jornalista Joaquim Coutinho
Editór Moises Magno
