Racom Maubisse (15/10/2023) Sekretáriu Estadu Komunikasaun Sosiál (SEKOMS) ható ida ne’e , relasiona ho komentariu  husi Jestór Rádiu Komunidade Maubisse Mauloko, Joaquim de Fátima Coutinho liu husi  sesaun husu no hatan  iha Forum Diálogu  Nasional Editórial ba tinan ida  ne’e Iha Postu Administrativu Balibo Munisípiu Bobonaro, ho nia tema  Indenpedensia Editórial no Kualidade  Produtu Jornalístiku  hodi komemora Balibo-Five ba dala 48 no komrmorasaun loron Nasionál Liberdade Imprensa ba dahuluk tinan ne’e iha Balibo.

Tuir Joaquim katak;

“Hau mós aseita tebes ho Sua Eselénsia, Sekretáriu Estadu nia komentariu no pontu de vista sira ohin katak, Rádiu Komunidade Front Line ami hein katak komentariu sira ne’e labele hela ho promesa deit se bele karik tenki realija”. Dehan Jestor Rádiu Komunidade Maubisse Mau-Loko 15/10/2023.

Hatan ba ne’e, Sekretáriu Estadu Komunikasaun Sosiál SEKOMS, Expedito Loro Dias Ximenes hateten;

“Hau fiar katak Maun Joaquim Governu ida ne’e Governu ida ke lakohi halo promesas Governu ida ne’e hakarak e konkorda katak Rádiu Komunidade ne’e Lina Frente. Tamba IV Governu iha tinan 2024-2025 sei implementa nia Polítika ida Desentralizasaun Administrativa ho Polítika Desentralizasaun Administrativa maka Rádiu Komunidade importante e determinante ba iha prosesu dezemvolvementu iha Aldeia, iha Suku. Tamba ne’e Rádiu Komunidade oras ne’e iha 26 ita sei buka oinsa bele hamoris tan Rádiu Komunidade bar-barak iha Aldeia iha Suku no mós iha Munisípiu ida ne’e la promote mais sei buak atu bele harí.” Hatan  Sekretáriu Estadu Komunikasaun Sosiál SEKOMS, Expedito Loro Dias Ximenes ba Jestor Radiu Komunidade Maubisse Mau-Loko iha Forum Diálogu  Nasional Editórial ba tinan ida  ne’e Iha Postu Administrativu Balibo Munisípiu Bobonaro, ho nia tema  Indenpedensia Editórial no Kualidade  Produtu Jornalístiku  hodi komemora Balibo-Five ba dala 48 no komrmorasaun loron Nasionál Liberdade Imprensa.

Jornalista         Joaquim Coutinho

Editór        Moises Magno