Racom maubisse 25/05/2023. Directora Hospital referral Maubisse Dra. Gabriela da C. P. Magno, Iha Esperanca katak Governu Foun ne’ebe Mai Sei Hadia Diak Liu Tan Sistema Saude Iha Timor Leste Especial Hospital Referral Maubisse, nune’e bele halao atendementu diak liu tan ba ita nia paciente sira. Maske responsabel Hospital Referral Maubisse ne’e rekonhece katak, Politika ne’e dinamika maibe sempre kolia konaba seitor saude, tamba seitor saude importante tebes ba nasaun RDTL. Sidadaun ida nia saude importante tebes ba nasaun tamba saude diak mak bele kontribui ba nasaun. Tamba ne’e seitor saude importante tebes ba kada governasaun, maske governu ida troka governu seluk, nafatin fo importansia ba seitor saude, basa ita nia saude iha ita nia liman rasik.
Hanesan publiku hatene katak, Hospital Referral Maubisse, hanesan Hospital bo’ot no uniku iha rejiaun rai-klan hodi akumula pasiente sira husi municipiu tolu hanesan Ainaro rasik, Manufahi no Aileu, maske Hospital ne’e bo’ot ho rekursu ne’ebe suficiente, maibe sempre hasoru difikuldade hanesan ekipamentus, rekursu humanus no mos ai-moruk, signifika katak ho dezafius no obstakulu sira Hospital Referral Maubisse hasoru, maibe ne’e la hamate servisu profesionais saude sira, katak liu husi dezafius no obstakulu sira mak motiva lideransa no estrutura sira hotu iha Hospital ida ne’e buka meus oinsa atu bele hadia diak liu tan prestasaun servisu sira, Nune’e bele dehan “experiensia mestre da vida”.
Relasiona ho situasaun sira hotu iha Hospital Referral Maubisse ne’ebe kada semana, fulan, no tinan Hospital Referral Maubisse Hasoru maka Director Hospital Referral Maubisse iha intervista ho Radio Komunidade Maubisse mauloko, hateten katak;
“Servisu hotu iha Hospital Referral Maubisse lao diak no lao hanesan baibain, maske ami hasoru dezafius balun hanesan ekipamentu sira balun at, ai-moruk menus, inklui rekursus humanus la suficiente, maibe ami nafatin halao ami nia kna’ar hodi atende ita nia paciente sira”.
Tamba ne’e Directora Hospital Referral Maubisse ne’e rekomenda ba governu foun ne’ebe mak mai atu tau matan ba seitor saude liu liu hospital referral no sentro saude sira nune’e pessoal saude sira bele atende pasiente sira ho diak. no maksimu, inklui hadia kualidade rekursus humanus, aumenta tan facilidade saude, rekursus humanus, no tau orsamentu tuir nia tempu atu nunee serbisu hotu lao ho diak.
“Oras ne’e dadaun ita liu ona Eleisaun Parlamentar no ita ezerse ona ita nia votus iha 21 de Maiu hodi hili ita nia reprezentante ba tur iha uma fukun parlamentu nasional no forma governu da sia, Tamba ne’e rekomenda ba governu foun ne’ebe mak mai atu tau matan ba seitor saude liu liu hospital referral no sentro saude sira nune’e pessoal saude sira bele atende pasiente sira ho diak no maksimu, inklui hadia kualidade rekursus humanus, aumenta tan facilidade saude, no tau orsamentu tuir nia tempu atu nunee serbisu hotu lao ho diak”. Hatete Gabriela da Conceição Pereira Magno.
To’o oras ne’e dadaun situasaun em jeral konaba atendementu paciente sira iha Hospital Referral maubisse lao ho diak, maske klima malirin, udan nia turun mos la para, ahi eletricidade mate lakan, maibe la hamate servisu profesionais saude sira iha Hospital Referral Maubisse.
Jornalista : Natalino Mendonca
Editor : Joaquim Coutinho
