Racom maubisse 25/05/2023. Hospital Referral Maubisse, hanesan Hospital bo’ot uniku iha rejiaun rai-klan hodi akumula pasiente sira husi municipiu tolu hanesan Ainaro rasik, Manufahi no Aileu, maske Hospital ne’e ne’e bo’ot ho rekursu ne’ebe suficiente, maibe sempre hasoru difikuldade hanesan ekipamentus, rekursu humanus no mos aimoruk, signifika katak ho dezafius no obstakulu sira Hospital referral Maubisse hasoru, maibe ne’e la sai obstakulu, katak liu husi dezafius no obstakulu sira mak motiva lidernsa no estrutura sira hotu iha Hospital ida ne’e buka meus oinsa atu bele hadia diak liu tan prestasaun servisu sira, Nune’e bele dehan “experiensia mestre da vida”.
Relasiona ho Jerador bo’ot ne’ebe avaria kuaze semana ida iha HRMBS, iha Intervista via telefone ba Jornalista Radio Komunida Maubisse Mauloko, Diretora Exekutiva Hospital Referal Maubisse, Gabriela da Conceição Pereira Magno hateten katak;
“Ekipamentu sira iha hospital referral Maubisse, hanesanjerador at duni maibe ita konsege hadia ona iha dia 23/05/2023 foin lalais nee, no jerador ida ki’ik diak hela soke la kobre hotu sala sira, tanba agora nee equipamentu barak, entaun se loke ahi iha sala ida tenke taka fali ahi iha sala sira seluk, atu nunee funsiona ho diak, nebe atu dehan deit katak, jerador boot nee ami rezolve no diak ona tamba ne’e ba oras ne’e dadaun serbisu hotu iha Hospital Referral lao diak”.
Husu konaba oinsa ho rekursus humanus iha hospital referral maubisse suficiente ka lae, lideransa executive Hospital Referral maubisse ne’e haktuir;
“Sim rekursus umanus nee maka sei nafatin menus, maibe ita buka para serbisu sira lao nafatin, ami mos followup ona ami nia pedido ba Diresaun Nasional Rekusus Umanus Ministeriu Saude, atu rekruta ita nia kontradu sira, tamba ne’e tuir informasaun husi diresaun rekursus umanus katak, buat sira nee komesa lao diak ona no iha fulan oin, dala ruma balu sei destaka mai ona iha ne’e, nebe ami hein deit husi diresaun rekursus unmanus ministeriu saude nian”. Haktuirdirectora HRMBSGabriela da Conceição Pereira Magno.
Direktora Hospital Referral maubisse ne’e salient liu tan katak;
“Edifisiu atu priense rekursus umanus mak sei problema, tanba uluk Hospital nee harii ho ema numero kiik maibe aumenta tan, depois nececidade ospital mos aumenta depois iha programa ida husi WHO (Word Health Onganization) mak atu suporta ho naran skill left atu fasilita treinamenu kona ba equipamentu sira, oinsa atu uza nomos oinsa hasae ema nia kapasidade liu liu ba funsionariu sira no estudanete sira mai husi UNTL, maibe fatin mak limitadu, tanba ne’e ami ami rekomenda atu sebele hari edificiu foun ka uma ne’ebe mak mamuk hela no la uja bele ofrece ba Hospital referral hodi bele hadia nune’e bele kria kondisaun ba lalaok servisu hospital nian hodi bele atende paciente sira ho maksimu”. Hatete Gabriela da Conceição Pereira Magno.
Tamba ne’e Directora Hospital Referral Maubisse ne’e rekomenda ba governu foun ne’ebe mak mai atu tau matan ba seitor saude liu liu hospital referral no sentro saude sira nune’e pessoal saude sir abele atende pasiente sira ho diak no maksimu, inklui hadia kualidade rekursus humanus, aumenta tan facilidade saude, rekursus humanus, no tau orsamentu tuir nia tempu atu nunee serbisu hotu lao ho diak.
Jornalista : Natalino Mendonca
Editor : Joaquim Coutinho
