Racom Maubisse (22/05/2023) Administrador Munisipiu Ainaro Leovigildo Amaral Pereira hateten ida ne’e relasiona ho Sistema Kontajen de Votus ne’ebé lao lentu iha Edefisiu STAE Munisipiu Ainaro.
Autoridade másimu Munisípiu Ainaro ne’e hateten, Kontajen demora tamba sistema todan no labele halo lalais ba Prosesu Apuramentu Munisípiu nian.
“Demora tempu ne’e tamba ita haré ba sistema todan ita labele halo lais, entaun horkalan ami halo komesa 7 oras besik 12 oras ami halo deit 14 follas ba apuramentu pois hau ba tia, sira halo tan tó 3 oras sira fahe malu. Ohin Komesa oras 09:20 hahú fali konsege iha 16 follas, ita haré katak sistema ne’e falla bebeik entaun presija aumenta oras iha regra ne’e dehan katak halo apuramentu ne’e iha 48 oras deit mais se sistema la fovorese anta ita bele halo ba 72 oras.” Hateten Administrador Munisípiu Ainaro ba Jornalista RKMM 22/05/2023.
Fatin hanesan Direktur Sekretáriadu Tékniku Administrasaun Eleitorál (STAE) Munisípiu Francisco Bianco hateten;
“Ita haré ba Sistema maka hanesan ne’e depois yang jelaskan 48 oras mais ida ne’e ita la garantia tamba sistema ne’e mai falla-falla hanesan ne’e, entaun mekanismu halo nusa ami tenta tók ba sira Nasional oinsa karik 48 oras ne’e maka la remata aumenta tan oras atu núne’e bele kompleta liu tan apuramentu ida ne’e bele lao ho diak”. Tenik Direktur STAE.
Nia klarifika akontesementu ne’e horkalan iha Akta 16 husi oras tuku 2 tó tuku 3 madrugada OTL. Ho akontesementu ne’e hanesan Direjente Orgaun Administrasaun Eleitorál informa ona IT STAE Nasional hodi haré Kestaun ne’e.
“Akontese ne’e iha Akta Sentru Votasaun 16, akontesementu ida ne’e tó tuku 3 ate agora maibe ohin dadersan konsege duni ita dizita Sentru Votasaun 2, ne’ebé sistema ne’e eror tia fali. Tamba ne’e hanesan Direktur hau tenki informa ba iha IT kona-ba sistema Internet ninian sira bele hadia fila fali atu núne’e ita apuramentu ne’e bele lao ho diak”. Klarifika Francisco Bianco
Emtertantu Tuir Observasaun ba oras ne’e dadaun iha STAE Munisípiu Ainaro Kuntinua lao no hetan Seguransa masimu husi PNTL no F-FDTL
Jornalista Moises Magno
