Apuramentu ELPAR 2023 Munisípiu Ainaro Finaliza Ona, Terca Feira Tuku 09:00 Kuntinua Transporta Ba Dili Hodi Halo Apuramentu Nasional

0
47 views

Racom Maubisse (23/05/2023) Sekretariadu Tékniku Administrasaun Eleitorál (STAE) Munisípiu Ainaro Finaliza Ona Prosesu Apuramrntu Munisípal, Elisaun Parlamentár 2023 husi totál Sentru Votasaun 90 no Estasaun de Votu 155 Iha Ainaro.

No Partidu Polítiku ne’ebé hetan Votus barak liu iha Munisípiu Ainaro maka Partidu Congresso Nacional da Reconstrucão Timorense (CNRT) ho votus Validu 15.671 (Rihun Sanolu Resin Lima Atus Nen Hitu Nolu Rsin Ida), Tuir Kedan ho  Partidu Kmanek Haburasa Unidade Nacional Timor Oan (KHUNTO) ho votus validu 5.666 (Rihun Lima Atus Nen Nen Nolu Resin Nen), no ba datoluk nian maka Partidu Frente Revucionária de Timor Leste Indepdente (FRETELIN) ho Votus validu 4.517 (Rihun Ha’at Atus Lima Sanolu Rasin Hitu).

Alem de ida ne’e Votu ne’ebe Eleitóres Munisiípiu Ainaro fó ba Partidu Polítiku ne’ebé konkore iha Elisaun Parlamentár 2023 maka hanesan Maka hanesan, Partidu Dezemvolvemento Nacional (PDN) ho votu validu 55, Partidu Liberta Povu Aileba (PLPA) ho votu validu 228, Partidu Libertasaun Popular (PLP) ho votu validu 2.352, Partidu Democrátiku ho votu validu 4.073, Partidu Kmanek Haburas Unidade Nacional Timor Oan (KHUNTO) ho Votu validu 5.666, Partidu Os Verdes de Timor (PVT) ho vitu validu 1.456, Partidu União Democrático Timorense (UDT) ho votu vakidu 108, Partidu Unidade Dezemvolvemento Democrático (PUDD) ho votu validu 1.043, Partidu Repúblicano (PR) ho votu validu 96, Partidu  Unidade Nacional Democrática da Resistencia Timorense (UNDERTIM) ho votu validu 51, Partidu Frente Revucionária de Timor Leste Indepdente (FRETELIN) ho Votus validu 4.517, Partidu Congresso Nacional da Reconstrucão Timorense (CNRT) ho votus Validu 15.671, Partido Centro Ação Social Democrata Timorense (CASDT)  ho votu validu 302, Partido Movimento Popular de Libertasaun Maubere ho total votu 46, Partido Socialista Timor (PST) ho votu validu 143, Partido Democrata Cristão (PDC) ho votu validu 167, no ikus liu Partido Associação Populár Monarquia Timorense (APMT) ho votu validu 1.050.

Alem de ne’e totál Eleitór ne’eb’e Rjistu  47.917, Eleitór ne’ebé maka vota 37.999, no taxa partisipasaun 79,31%.

Total votu Nulu 733, Branku 231, Reklamadu 5, no totál votu Rezitadu 6.

Hafoin de relata rejultadu ne’e husi Direktur STAE Munisípiu Ainaro Francisco Bianco, agradese ba Parte sira hotu nia kontribuisaun no kolaborasaun hodi fo Susesu ba Prosesu Elisaun hahú husi deslokasaun matreal Sensitivo no la sensitivu iha loron 21 tó loron 22 fulan Maiu 2023 finaliza prosesu apuramentu Munisípal.

“Ida ne’e maka ita nia rejultadu apuramentu Munisípal ne’ebé ke husi distribuisaun matreal Sensitivu ba iha Sentru Votasaun depois kontajen inisial iha ne’eba lori mai iha apuramentu Munisípal ohin ita hetan ona nia rejultadu. Tamba ne’e agradese ba Fiskais sira, Komandante PNTL, ho Observador sira, Media sira, Autoridade sira ne’ebé marka prezensa iha ne’e  ita hotu nia servisu hamutuk maka ohin ita finaliza ona prosesu apuramentu ne’e, dala ida tan  susesu ba ita hotu.” Dehan Direktur STAE Munisípiu Ainaro 22/05/2023

Entretantu tuir Observasaun apuramentu Munisípal ne’e hahu iha loron 21 maiu oras tuku 07 kalan no ramat iha loron 22 fulan Maiu 2023 oras tuku 07 ho balun, husi total Sentru Votasaun 90 no estasaun de Votu 155 iha Munisípiu Ainaro

Jornalista                     Moises Magno

Editór                          Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments