Racom Maubisse, 21/05/2023, Bolitin de votus la to’o iha sentru votasaun Kanurema Maubisse, halo brigadista sira ho votantes paniku maibe husu tulun liu husi Centro Votasaun Maubisse Villa, ikus bele rejolve no apoiu fali bolitin de votus ba Centro Votasaun Kanurema Maubisse, akompanha husi CNE PNTL husi Centro Votasaun Maubisse Villa ba Centro Votasaun Kanurema.
Ba Radio Komunidade Maubisse Mauloko Presidente Meja Terezinha da Silva, husi Centro Votasaun Cede Aldeia Kanurema haktuir katak;
“Simi iha duni falhansu konaba bolitin votus la to’o iha centru votasaun cede aldeia kanurema, tamba waihira votasaun lao maibe derepente brigade sira dehan bolitin de votu la to’o, ida ne’e halo hau preokupa tamba oras seidauk to’o maibe, bolitin de votus hotu iha klaran, ne’e duni ami husu ajuda husi centro votasaun ne’ebe destaka iha prasa Maubisse besik sede suco Maubisse Villa, konsege iha duni no ho ajudus bolitin votus husi centro votasaun maubisse villa agora suficiente”.
Terezinha Haktuir liu tan katak;
“Falhansu husi bolitin votus la to’o tamba centro votasaun iha kanurema foun no ha’u mos foun, tamba ne’e ha’u la dun hatene bolitin hanesan ne’e to’o ka la to’o, tamba ne’e to’o iha klaran bolitin de votus hotu halo hau atrapalha utioan, tamba ne’e sala laos husi ami maibe husi STAE, tamba tuir lolos STAE mak tenke hatene konaba oinsa atu fo bolitin de votus ne’e mai kada centru votasaun ho lolos, tamba ne’e ha’u ladun hatene, falhansu sira nune’e orsida ami lori bolitin votus ba Ainaro sei fo hatene ba parte STAE, nune’e ba oin keta mosu tan falhansu”.
Maske mosu falhansu maibe liu husi koordenasaun ne’ebe diak entre centru votasaun kanurema ho maubisse villa ikus rejolvidu no hetan apoiu husi PNTL Posto Maubisse.
Centro votasaun sira iha Maubisse lao diak, maske iha mos falhansu balun no dezntendementu balun iha centru votasaun Lequitei, maibe ikus rejolve ho diak e laos ne’e deit maibe falhansu ne’ebe difikulta kontajem de votus maka ahi eletricidade mate, obrigadu parte STAE ho CNE no Fiskais loke telefo hafoin sura votus.
Jornalista Joaquim Coutinho
Editor : Ekipa Racom Maubisse
