Racom Maubisse (21/05/2023) Infromasaun ne’e relata husi Responsabel Organizasaun Raes Hadomi Timor-Oan (RHTO) Munisípiu Ainaro Inacio Paicheco Martins iha Sentru Votasaun Suku Ainaro Villa.
Tuir Inacio katak tuir Observasaun kuaje Sentru Votasaun no Estasaun de Votu iha Munisípiu Ainaro la Asesivel ba ema ho Difisiente, maibe so iha deit Sentru Votasaun 2 maka hanesan Sentru Juventude Ainaro no Sentru Votasaun iha Sede Suku Manutaci Postu Administrativu Ainaro Villa.
“Tur hau nia observasaun kuaje Sentru Votasaun ka Estasaun de Votu hot-hotu ne’e la asesivel ba ema ho Difisiensia, so iha Sentru Juventude Ainaro ne’e asesivel tamba ita halo ona rampa para ema ho Difisiensia bele asesu ba. Tamba ne’e Sentru Votasaun ka Estasaun ne’e Votu ne’ebé maka asesivel ne’e iha 2 deit Sentru Juventude Ainaro no mós Sentru iha Sede Suku Manutaci, ne’ebé hau hanoin ema ho Difisiente sira bele asesu ba iha ne’ebá, sira fali seluk ne’e la asesivel tamba laiha rampa eskada maka nar-naruk hela oinsa maka ema ho Difisiente sira bele asesu, karik Difisiensia Físiku kaer Aitonka hanesan hau bele asesu maibe sira kadeira roda ne’e susar los liu-liu sira ne’ebé ho Difisiensia Matan.” Dehan Sidadaun ho Kondisaun Difisiensia Físiku ne’e 21/05/2023.
Tamba ne’e nia kuntinua rekomenda ba Governua da sia mai atu kria kondisaun ba ema ho kondisaun Difisiente bele asesu, liu-liu iha Edefisiu Públiku, no fatin ne’eb’e utulija hanesan Sentru Votasaun no Estasaun de Votu.
Tuir Inacio katak maske Problema ne’e relata no ható bebeik ba iha Parte Kompetente maibe la dauk iha resposta ruma.
“Hau hanoin ida ne’e ita ható no kolia bebeik ona para Governu bele tau matan ba iha Edefisiu sira hotu para bele asesu ba ema ho Difisiensia maibe ate agora laiha implementasaun. Tamba ne’e hau rekomenda karik iha Nunu Governu ne’e karik bele kria kondisaun ba ema ho Difisiensia liu-liu ba Edefisiu sira ka Sentru Votasaun sira hotu ne’e bele kria asesibilidade atu núne’e ema ho Difisiente bele asesu ba iha ne’ebá.” Rekomenda Responsabel RHTO Munisípiu Ainaro.
Inacio Paicheco Martins haktuir maske regras hateten Votu ne’e segredu, maibe ema ho Difisiente nia Votu la Segredu tamba lori husi familia maka ba ezerse sira nia direitu iha Gabina de Votu.
Alem de ne’e total ema ho kondisaun Difisiente iha Munisípiu Ainaro hamutuk 600 (Atus Nen)
Entertantu Munisípiu Ainaro Kompostu husi Postu Administrativu 4, Suku 21, Aldeia 131. total Eleitóres ne’ebe maka sei Partisipa iha Elisaun Parlamentar loron 21 Fulan Maiu hamutk 46.908 (Rihun Ha’t Nolu Resin Nene Atus Sia Walu), Ho nia Centru Votasaun (CV) 90 (Sia Nolu) no Estasaun de Votu (EV) hamutuk 115 (Atus Ida Sanolu Resin Lima).
Jornalista Moises Magno
Editór Joaquim Coutinho
