Racom Maubisse, 21/05/2023, Ahi eletricidade iha Maubisse kuaze tempu naruk ona sempre mate lakan, maske nune’e komunidade sira la kestiona konaba ahi eletricidade ne’ebe mate lakan durante tempu naruk nia laran tamba ahi mate ne’e ba komunidade sira iha Maubisse, tuirskai no hatobuilico babaibain tiha ona.

Maibe iha festa demokrasia ne’ebe ligadu ho eleisaun parlamentar 21/05/2023 ne’ebe akontese iha teritoiu nasional iknklui posto Maubisse municipiu Ainaro, kuaze loron to’o kalan, halo komunidade sira preokupa tebes tamba iha loron ne’e povu sira ba ezerse sira nia direitu hodi hili nai ulun sira atu ba kaer ukun hodi taumatan ba povu no hadia nasaun.

Relasiona ho ahi eletricidade ne’ebe mate iha loron eleisaun parlamentar ne’e ba radio komunidade maubisse mauloko, Komunidade duarte almeida hakteten katak;

“Ha’u hanesan komunidade sente triste tebes tamba hare ba realidade liu liu liga ho kontajem de votus, ne’ebe konta iha loro karaik, hahu iha oras tuku tolu, to’o kontajem devotus remata mos ahi la lakan deit, ba ida ne’e hau triste, tamba ne’e nia husu ba governu atu hadia sistema sira nunee atu ikus labele akontese tan nune’e”.

Ho situasaun ahi mate loron tomak iha Posto Maubisse, Tekniku EDTL Posto Maubisse, Nony Martins informa katak;

“ Relasiona ho ahi mate durante loron tomak ne’e tamba dadaun ne’e foin troka hela fiu ne’ebe ahi han iha parte hatobuilico nian, ne’e depois de troka hotu konserteza ahi lakan fila fali, tamba ne’e mai husu deskulpa ba falhansu ne’e”.

Situasaun ahi mate lakan ne’e laos foin mak akontese iha eleisaun parlamentar no kontajem de votus, maibe situasaun ahi mate lakan ne’e sai tiha ona hanesan toman ka kultura ida iha komunidade sira nia le’et, tamba ne’e husu ba governu, liu liu EDTL atu hadia diak liu tan situasaun ida ne’e, tamba ida ne’ebe sai vitima mak povu ki’ik.

Jrnalista         : Joaquim Coutinho

Editor             : Ekipa Racom Maubisse