Racom Maubisse (28/04/2023) Informasaun ne’e ható husi Diretur Geral Dezemvolvementu Rural (DGDR) Rosito Guterres, iha seremonia lansamentu Programa Uma Naroman ba Povo UNP B PLUS (Fahe kalen) ba Benefisiáriu hamutuk uma kain 333 iha Postu Administrativu Maubisse Munisípiu Ainaro, loron 28/04/2023 foin lalais ne’e.
“Ami komprometidu tinan 2 deit ami loke ona Munisípiu ida Postu 2 sei karik Governu ida ne’e kuntinua ami labele presija resposta karik, ami sei realija tamba ami halo tia ona iha tinan ida ne’e. Ne’ebé lalika dúvidas ba buat ida loke Postu ka Munisípiu sira ne’e tamba ami halo tia ona.” Katak Rosito ba Jornalista RKMM 28/04/2023.
Rosito hateten karik Povu fó fiar nafatin ba Governu ida ne’e maka sei realija duni saida maka Maubisse oan sira hakarak, tamba VIII Governu liu husi Ministériu Administrasaun Estatal forma tia ona Postu 2 Munisiu ida.
“Demokratikamente Povu fó fiar ba Governu ida ne’e lalikan kolia karik mais ami sei halo,purque ne’e esperansa ema hot-hotu nian ita hakarak dada besik dezemvolvementu ne’e. Ne’ebé hau laos povu Maubisse-oan maibe ba hau inisiativa Maubisse oan ne’e diak, agora fila fali ba Governu ne’ebé maka mai se komitmentu hakarak halo ba hau ida ne’e diak ba Maubisse-oan laos ba Governu deit.” Hateteb Diretur Geral Rural (DGDR)
Tamba ne’e nia sujere ba Autoridade lokal no Komunitaria sira atu Servisu hamutuk ho autoridade seguransa sira hodi asegura prosesu elisaun mai, bele lao iha dame no Paz nian laran hodi foku ba Desenvolvimentu.
“Ami nia mensanjen maka ne’e ba programa sira ne’eb’e ke lao husik polítika sira lao ninian ba mais programa lao nafatin PNDS sira kuntinua lao ninia aktividade normal, e ba povu sira Maubisse hanesan tékniku hau hakarak kolia tékniku deit katak programa atu diak ho la diak ninia valor lolos ne’e ita bo’ot sira maka fó ba Governu ida ne’e. Iklima ida ne’e Iklima elisaun ami la obriga tenki hili Governu ida ne’e no Governu ida ne’ebá maibe ami nia mensajen maka ne’e fihir ba, Partidu no Lider sira ne’e ita hotu nian maibe atu buat ne’ebé maka diak imi eskolla iha imi nia liman.” Nia Hakotu.
Fatin hanesan Xefe Suku Manetu Alfredo Martins, tatoli esperansa ba Governu foun mai keta haluhan tau atensaun ba esperansa Povu Maubisse nian ne’e. Basa ho forma Munisípiu foun hodi hakbesik liu tan atendementu Públiku ho lais ba Komunidade sira.
“Estabelesementu ba Munisípiu iha Maubisse ne’e hanesan parte ida atu hakbesik Administrasaun ba ita nia Povu sira, no mós ita nia povu sira asesu ba iha dezemvolvementu. Karik maka Governu foun mai mós keta haluhan mehi povu Postu Maubisse Suku 9 tenki nafatin kuntinua. Tamba iha Governu tuan ami nia proposta tama ona Governu foun mai labele soe ba sampah tenki iha nia kuntinuasaun.” Dehan Xefe Suku Manetu Postu Administrativu Maubisse Munisípiu Ainaro.
Jornalista Moises Magno
Editór Joaquim Coitinho
