Racom Maubisse (30/04/2023) Komprmisiu ne’e ható husi Prezidente Partidu Unidade Dezemvolvementu Demokrátiku PUDD Silvestre Xavier Sufa, Wainhira halao Kampaña Eleitorál ho Tipu diálogo ho Militante iha Postu Administrativu Maubisse Munisípiu Ainaro.

“Programa ne’ebé PUDD prepara ba Ainaro ita hatene katak Ainaro ne’e nia potensia ne’e saida, makas liu maka iha parte ai fuan, modo tahan ita bele dehan katak Hortikultura ne’e makas tebes iha Ainaro” Dehan Prezidente PUDD 30/04/2023.

Lideransa Partidu Unidade Dezemvolvementu Demokrátiku ne’e kompromete wainhira PUDD hetan Konfiansa husi Povu iha Elisaun Parlamentár maka sei investe makas liu tan iha seitór ne’e hodi redus importasaun modo tahan ai fuan sira ne’ebé importa husi rai liu mai Timor-Leste.

“PUDD bainhira kuandu hetan konfiasan husi Povu Ainaro liu husi Elisaun ida ne’e PUDD nia halarak foku liu ba Hortikultura liu-liu maka Ainaro nian atu núne’e  ita nia agrikultór sira partese ba kuda modo iha ne’e, para ita nia modo sira ne’e oinsa atu bele haburas liu tan bele mos vantanjen ba Timor laran tomak atu núne’e modo tahan sira iha rai liur ne’e labele tama ona iha Timor, posibilidade ita kuandu maneja didiak ne’e ita bele sai eksportasaun ba modo tahan. Tamba ida ne’e maka ba parte agrikultura nian PUDD haré prioridade ba ida ne’e.” Dehan Lider PUDD ne’e.

Aliende ida ne’e Prioridade segundu maka hadia kualidade kafé, tamba tuir Prezidente PUDD ne’e katak Kafe nia folin diak no lori rendementu diak ba tós Kafé depende ba Kompetisaun Kafé iha Merkadu Internasionál.

“Seitór ida presija tau prioridade maka iha parte Ainaro Koiñesidu ho kafé, PUDD hanoin katak bainhira PUDD hetan ukun kaer Governu tenki lori investór parte kafé nian atu bele halo kompetisaun ba kafé, tamba kafé nia folin atu diak depede ba Kompetisaun iha Merkadu, Kompañia barak maka tama iha Maubisse  no kompete folin ninian benevisiu ba Povu.” Tenik Prezidente PUDD

Entretantu Kampaña PUDD ho tipu diálogo ne’e iha Maubisse, Observa husi Komisaun Nasional Elisaun (CNE  sigla Portugés) no Asegura husi Polisia Nasional Timor Leste Esquadra Maubisse Munisípiu Ainaro.

Jornalista                     Moises Magno

Editór                          Joaquim Coutinho