Racom Maubisse (12/10/2022) “Rekomendasaun ba Governu hanesan ne’e kona-ba Estrada iha ami nia Suku Manelobas, Manetu difikulta tebes mai ami Komunidade Suku 2 ne’e. Ami halo hela ami produtu bar-barak hela iha ami nia Suku no Aldeia maibe Estrada la diak ami nia sasan sira ne’e han hodi estraga deit” Hateten Inan Feton Mariana José Mendonça ba Jornalista Radiu Komunidade Maubisse Mau-loko Karta 12/10/2022 iha sede Suku Manelobas Maubisse Municipiu Ainaro.

Nia Kuntinua hatutan;

“Ami ba fán ba merkadu hodi hetan netik osan agora ida ne’e kuda bar-barak hela mais lahetan osan ida tamba hán deit ba kabun, hakarak husu ba Governu maske labele halos aspal ba maibe halo netik hanesan liña balun nehe deit simente mós laiha buat ida para ami bele lori ami nia produtu sira ne’e ba merkadu” Dehan Inan Feton ne’e ho lian makas 12/10/2022.

Entretantu produtu potensial ne’ebe maka suku Manetu no Manelobas iha maka hanesan Café, Koto, Modo, Inklui prodtu sira seluk tan ne’ebe maka Suku rua ne’e iha.

Kondisaun ne’e liga ba atendementu Saude nian Tuir Infermeiru Florindo Soares ne’ebe toma konta fo asistensia Saude ba Komunidade Suku Manelobas hateten tan katak, ho Kondisaun Udan Difikulta tebes atu tun halo tratamentu iha tereinu tamba kondisaun Estrada ne’ebe maka labele ultrapasa husi Transporte roda 2 no roda 4 iha tempu udan.

“Estrada ne’ebe difikulta tebes ba hau, hau nia viagen ne’e dala ruma tempu udan risku ba hau dala ruma iha prokupasaun Komunidade halerik dehan la mai tamba rajaun ida ne’e. Liga ho situasaun distansia ne’ebé  ke dók Estrada ne’ebe ke la diak dala ruma tempu udan haul abele mai” Hateten Pesoal Saude Suku Manelobas ne’e ba Jornalista RKMM 12/10/2022

Jornalista                                 Moisese da Silva Magno

Editór                                      Joaquim de Fátima Coutinho