Juventude Suku Manelobas Husu Governu Konstroi Postu Saude Manelobas

0
114 views

Racom Maubisse (12/10/2022)   Sekretariu Jeral Unidade Estudante Juventude Suku Manelobas (UNE JUSMA) Julião Tilman “Maubulan” hateten ida ne’e relasiona ho Kondisaun Postu Saude ne’ebe ho nia Kondisaun at tebes, Durante ne’e Pesoal Saude halao deit atendementu ba Pasiente iha Uma Komunidade nian.

“Durante ita Ukun Rasik-an Liberta Patria ida ne’e seidauk iha Governu ruma ne’ebe maka mai konstroi Klínika iha ami nia Suku sorti ba Cooperativa Café Timor (CCT) maka mai konstroi hela Klínika ida ne’e maka agora dadaun sai avaria hela hanesan ne’e Governu seidauk halo ida ne’e. Tamba ne’e maka ami rekomenda ba Governu mai halo manutensaun ba Klínika ida ne’e para Dotót sira ne’ebe maka destakadu mai Suku ida ne’e bele hela iha ne’e hodi atende Komunidade” Husu Juventude ne’e Governu 12/10/2022.

Nia kuntinua hatutan ho kondisaun ne’e infermeiru ne’ebe maka toma konta ba atende saude Komunidade nian iha Suku Manelobas labele hela metin iha Suku hodi fó atendementu ba Komunidade sira wainhira hetan moras derepenti liu-liu ba Inan Isisn rua ne’ebe maka atu Partus, at liu tan maka ho kondisaun Estrada ne’ebe maka susar atu ultrapasa iha tempu udan.

“Agora se iha ema ruma maka moras pas los iha tempu udan hanesan ne’e hakarak ka lakohi dala ruma ba maubisse dala ruma mós labele ba tamba dók, se ba karik ami bele lori tó Estrada bót bele aluga fali kareta privadu sira, hanesan foin lalais akontese iha pasiente ida nia atu partus agora atu lori ba Maubisse momentu ne’e udan hela anta ami aluga fali kareta hodi lori Inan ne’e ba partus iha Maubisse” Dehan Foinsa’e Suku Manelobas ne’e liu husi intervista ho Jornalista RKMM 12/10/2022.

Tuir Infermeiru Florindo Soares ne’ebe toma konta fo asistensia Saude ba Komunidade Suku Manelobas Konfirma katak, ho Kondisaun Udan Difikulta tebes atu tun halo tratamentu iha tereinu tamba kondisaun Estrada ne’ebe maka labele ultrapasa husi Transporte roda 2 no roda 4 iha tempu udan.

“Estrada ne’ebe difikulta tebes ba hau, hau nia viagen ne’e dala ruma tempu udan risku ba hau dala ruma iha prokupasaun Komunidade halerik dehan la mai tamba rajaun ida ne’e. Liga ho situasaun distansia ne’ebé  ke dók Estrada ne’ebe ke la diak dala ruma tempu udan hau labele mai” Hateten Pesoal Saude Suku Manelobas ne’e ba Jornalista RKMM 12/10/2022

Liga ho ida ne’e tuir Xefe Suku Manelobas Maubisse Domingos de Andrade hateten Ukun Rasik-an tinan 20 ona ba Komunidade Suku Manelobas senti nakukun bai ha dezemvolvementu.

“Ita Ukun-an tinan barak tiona maibe dezemvolvementu ne’e maka lao tarde los ita lahetene tamba saida maka ema hotu-hotu bele tamba saida maka Manelobas labele? Ita hare ami nia Klinika deit mós Infermeiru sira no Dotor sira atu mai tenki ba buka ema nia um aba konsulta. Tamba ne’e atu rekomenda hela ba Governu liu-liu Ministériu Saude nia hare no hanoin mai ami nia komunidade sira iha ne’e, tamba buat hotu ne’ebe maka sira kolia ne’e buat leten nian deit karaik imi haluhan” Fundamenta Xefe suku Manelobas Maubisse Municipiu Ainaro 12/10/2022

Entretantu total Populasaun Suku Manelobas 1.340 no uma kain hamutuk 310.

Jornalista                                 Moisese da Silva Magno

Editór                                      Joaquim de Fátima Coutinho 

0 0 votes
Article Rating
Subscribe
Notify of
guest
0 Comments
Inline Feedbacks
View all comments