Rcom Maubisse (28/07/2022) Sesta Feira loron 28 fulan Jullu ne’e iha Postu Administrativu Hato-Builiku Municipiu Ainaro, Katuas Lia Nain husi Uma Lisan Lolo-Hae Iha Rai Ble Hetu Jcob Alves ho Lian Nain Fausto Mendonça de Araújo husi Aldeia Keor-Udo Suku Mulo Postu ba Jornalista Radiu Komunidade Maubisse Mau-Loko Hateten, Rai ne’e sei hasoru Dezastre Bailoron Naruk Karik Fatuk lulik ne’e la Filla ba iha Nia Fatin, Basa fatuk Lulik refere kada tinan Lia nian sira husu Udan husi ne’e iha Tempu Bailoron Naruk.
Tuir Lia Nain Lisan Lolo-Hae Husi Rai Ble Hetu JacobAlves hateten;
“Hau la Hatetene Se los maka Naok Fatuk Lulik ne’e? Tamba Lulik ne’e ami husu matak malirin ba ami. Karik ema ne’ebé maka naok karik bele lori ami nia sasan ne’e fila lalais” Dahan Lian Nain Lolo-Hae Ble Hetu 28/07/2022.
Kona ba Kronolojia husi Fatuk Lulik ne’ebe maka lakon dadauk ne’e lia nain ne’e haktuir katak;
“Loron ne’e ami ba halo uma Lisan, Uma Lisan ida at maka ami ba tá Ai hodi halo Lisan í depois ami ba haré fali Fatuk Lulik no Ai-Lulik buat sira ne’e hanesan tia ona ne’e, depois Komesa ona mai iha tanggal 18 Jullu ami haruka fali orden ba iha Uma Lisan Hotu bolu malu fó hatene tia iha tanggal 19 no 20 ami lori Katana Lulik sira ba hotu iha leten laiha maka ami raut Lulik hodi buka. Mais ema ne’ebe maka naok ne’e ami nunka se hatene ami seidauk koiñese ema ne’e nia oin, ema ne’e mai husi ne’ebe ami la hatene. Tamba ne’e se maka mai lori karik ami nia sasan Lulik ami husu ba Mídia tenki fó sai para lori ami nia sasan Lulik ne’e mai fali no fila lalais mai tamba ami tristi la halimar. Ne’e dehan Husar Ble Hetu Neras Ramelau (Fusan Ble Hiut Neran Ramelau) Mane Ramelau Feto Ble Hetu, Ble Hetu maka tane Ramelau hodi ba ás” Dehan Lia Nain Lisan Lolo-Hae Jacob ba Jornalista RKMM 28/07/2022.
Lia Nain Lisan Lolo-Hae ne’e Hatutan Impaktu husi Fatunk Lulik Rai Ble Hetu nian ne’ebe Foti ona husi Ema deskuiñesidu Nian Impaktu Laos deit ba Iha Hato-Builiku no Municipiu Ainaro, Maibe nia Impaktu ba Timor Laran Toamk Sei Infrenta Tempu Bailoron Naruk, Karik Fatuk Lulik ne’e la Fila ba Fatin.
“Fó impaktu bailoron Naruk ne’e laos ba Hau mesak ida deit, ba Povu tomak Timor Laran Tomak. Hetan Dezastre ida bailoron naruk oho mate ita nia vida, bé laiha, udan laiha, buat hotu mate. Tmaba ami bolu malu hodi buka tuir udan ne’e ba husi Ble Hatu-Lau agora Lulik ida ami ba husu udan ben hodi fó matak malirin ami ne’e maka ida ne’e lakon maka ami hodi buka tuir ne’e” Hateten Lia Nain 28/07/2022.
Tuir Lia Nain Fausto Mendonça de Araújo Hateten;
“Fatuk ne’e desde Nakukun laran Fatuk ne’e maka laiha tia maka ami hakarak buka tuir, laos inan aman ninia riku ka avon sira nia riku, beiala sira ka ne’e laiha, ne’e deste rai ne’e sei Nakukun” Hateten Lian Nain Fausto 28/07/2022.
Tamba ne’e loron 27 fulan Jullu ne’e Lian Sira hamutuk ho Komunidade Sira ható ona Keija ba iha Polisia Esquadra Postu Administrativo Hato-Builico Municipiu Ainaro, halo Investigasaun no Buka tuir ema Deskuiñesidu ne’ebe naok Fatuk Lulik Ble Hatu.
Ba Jornalista Radiu Komunidade Maubisse Mau-Loko Komandate PNTL Esquadra Hato-Builico Inspektur Polisia Carlos Expostu iha nia Knár fatin hateten;
“Los duni akontesementu ne’ebe maka hanesan ita hotu hatene katak, maluk sira viajen mai foti sala ka buat lulik ou fatuk Lulik ruma iha Foho Ble Hetu no mós iha Postingan lubuk ida iha area ne’ebá duni ami mós hatene. Horseik husi parte vítima mai ható keisa iha Esquadra Hato-Builiku. Eataun ami foti deklarasaun ba iha investigasaun iha Ainaro, hodi prosesu lao” Hateten Inspektur Polisia Carlos Expostu 28/07/2022.
Autoridade Seguransa Postu Administrativu Hato-Builiku ne’e Salienta liu tan katak;
“Tuir vítima sira horseik hateten katak, Fatuk ida ne’ebe maka iha Foho Ble Hetu dehan sira lori sai. Horseik vítima mia kolia tanis iha ne’e, prontu ida ne’e foin maka akontese iha semana ida ne’e. Maibe iha pasadu ba kala fulan ida ba kotuk iha fulan Junho iha mós foho Ramelau Tututn Ai-Tós ne’ebe maka harí sae ba iha ne’ebá mós ké latan tia ba rai, hau nia OPS Suku Mulo nian lao ba tó iha Foho Leten haré lós duni nia hasai deit foto í ami sen ona ba iha Koamdu Ainaro” Deklara Koamdante Esquadra PNTL Postu Administrativu Hato-Builku 28/07/2022
Komandante Polisia ne’e mós relata katak iha Fulan Juñu 2022 liu ba mós iha ema deskuiñesidu balun mós Fokit sai Ai-Tós iha Foho Ramelau ho latan ba tia ba Rai, no Informasaun ne’e hato ona ba Iha Komadu PNTL Municipiu Ainaro.
Tuir Xefe Suku Mulo Postu Administrativu Hato-Builiku Municipiu Ainaro Jose Florindo Andrade Husu Parte Seguransa atu buka no Investiga Klean ba autor sira ne’ebe maka deskonfia onvolve iha Kaju naok Fatuk Lulik Rai Ble Hetu nian ne’e.
“Hau hanoin fatin ida ne’e Ramelau ne’e fatin ida Lulik tebes, Avon sira mai konsentra ne’e iha fatin ida ne’e hodi fahe buat hotu, ne’e maka sira kolia dehan Ble Hetu Ble Lelo. Ble Hatu Ble Lelo laos ba ema Hato-Builiku, laos ba ema Ainaro mais ba Timor Laran tomak. Tamba ne’e hau hirus labele uja buat ida dehan Turizmu ka tama mai arbiru, ne’ebé husu ita bót sira foti karik sasan ne’eba Husu atu lori fila fali mai tau iha fatin. Se ita bót sira la kohi mós Katuas sira sei halo Kultura lao nafatin í Justisa lao nafatin atu bele buka buat ne’e tenki halo investigasaun ba sira. Se karik iha ema ruma maka husi fatin ida ne’e tenki investuga nia klean, hau hateten dehan maun ka alin ka feto san umane hau la iha feto san umane, hau laiha maun alin tenki investiga para atu bele hetane klean tamba buat ne’e laos ema ida nian sasan ida ne’e Timor tomak nia sasan. Ohin hau halo ona konversa ho hau nia Xefe Aldeia sira hateten katak ema ida nunka mai fó koiñesementu ba sira” Dehan Xefe Suku Mulo 28/07/2022.
Entertantu Evedensia ne’ebe maka agora dadaun iha maka Fotografia ne’ebe maka foti husi Mídia Sosial Facebook Wanhira iha Vizitantes balun ba Vizita iha Fatin Lulik refere hodi hasai fotografia no Posting iha Facebook, no foto hirak ne’e Autoridade Suku Akompana husi Lian nain no Komunidade sira entrega ona ba iha parte Polisia hodi Kuntinua halo Investigasaun.
Jornalista Moises da Silva Magno
Editór Joaquim de Fátima Coutinho
